'Siya 'yung angel ko, siya 'yung savior ko' - Boobay on Marian Rivera
Punong-puno ng kulay ang kuwento ng buhay ni Boobay kaya't tiyak na maiiyak at matatawa kayo sa kaniyang feature sa Tunay na Buhay.
Kasama ang host ng show na si Rhea Santos, inalala ni Boobay ang ilan sa mga mahahalagang tao sa kaniyang buhay gaya na lang ng kaniyang "my labs" na walang iba kung hindi ang Primetime Queen na si Marian Rivera. Kinuwento ni Boobay kung paano sila naging matalik na magkaibigan.
Aniya, "'Nung una, lumalayo-layo pa ako kasi natatakot sa kanila ni Richard (Gutierrez) 'noon [sa Extra Challenge Extreme] so palagi akong nasa kabilang tent. Tapos bigla niya akong pinatawag, 'Halika nga dito, bakit ka lumalayo-layo d'yan?' sabi niya."
Matatandaan na late last year nang ma-stroke si Boobay. Malaki ang pasasalamat niya kay Marian sapagkat isa ang aktres sa mga tumulong sa kanya.
"Siya 'yung angel ko, siya 'yung savior ko, sobrang bait niya. Basta, I love you," dagdag ni Boobay.
Panoorin ang video ng Tunay na Buhay below:
Maliban kay Marian, ilan pa sa mga mahahalagang tao sa buhay ni Boobay ay sina Direk Cosme at ang partner niyang si Kent Resquir.
MORE ON BOOBAY:
Ate Gay, malaki ang pasasalamat kay Marian Rivera matapos tulungan si Boobay