WATCH: Miss Universe 2016 Iris Mittenaere, lininaw na hindi siya lesbian
Itinanggi ni Miss Universe 2016 Iris Mittenaere na siya ay lesbian sa panayam sa kanya ng GMA News. Sa katunayan pa ay napakasaya raw ng kanyang relasyon sa kanyang nobyo ngayon.
Kamakailan ay naging usap-usapan na lesbian ang bagong Miss Universe dahil sa mga litrato niya kasama si Miss France 2015 Camille Cerf. Ibinalita rin ng international news sites ang posibilidad na si Iris ang kauna-unahang openly gay Miss Universe.
Gayunpaman, lininaw ni Iris ang kanyang gender preference at relationship status.
Anang beauty queen, “Camille is my best friend, and I love my boyfriend Matthieu (Declerq) . I really love her but I’m not with her. She’s not my girl friend.”
“I have a boyfriend. People know him. It’s not a secret,” patuloy ni Iris.
Kumpyansa rin ang bagong Miss Universe na kahit nakoronhan na siya ay may oras pa rin siya para sa kanyang love life.
“I have time. Don’t worry, I have time for me,” wika niya.
Ayon sa parehong ulat ay excited na si Iris sa kanyang homecoming sa France.
Saad niya, “I really want to go [to] my country ‘cause I really want to show them the crown and the sash."
Maliban sa kanyang bansang pinanggalingan, nami-miss rin daw niya ang Pilipinas.
Pag-amin niya, “I miss the people in [the] Philippines. I cannot wait to go to [the] Philippines again.”
Nagpapasalamat din siya kay Miss Universe 2015 Pia Wurtzbach para sa payong ibinahagi nito sa kanya.
“She gives me a lot of advice during the year. So great advice,” ani Iris.
MORE ON IRIS MITTENAERE:
IN PHOTOS: Iris Mittenaere, Miss Universe 2016 from France
WATCH: 2016 Miss Universe Iris Mittenaere's crowning moment video reaches 1.2M views in one day
LOOK: Anak ni Gabby Concepcion na sina KC at Cloie may hawig sa 2016 Miss Universe Iris Mittenaere
Photos by: @irismittenaeremf(IG)