Aiai Delas Alas, itinanghal na Best Actress sa Queens World Film Festival

Itinanghal bilang Best Female Actor ng Queens World Film Festival si Aiai Delas Alas para sa kanyang pagganap sa pelikulang Area.

Ito ang balitang bumungad sa Philippine Queen of Comedy sa kanyang paggising. Gulat man at tila raw hihimatiyin, puno rin siya ng pasasalamat.

Aniya, “Maraming salamat Queens World International Film Festival Awards para sa pagkapanalo ko. Pagkagising ko at sinabi ni Gerald, natulala ako sabay iyak sabay luhod at umiyak sa pasasalamat at nanginginig pa katawan ko.”

Alay ni Aiai sa kanyang mga nakatrabaho, pamilya at mga tagasuporta ang kanyang panalo.

Pagpapatuloy niya, “Salamat direk (Louie Ignacio) sa pagtiyatiyaga mo sa first scene na ‘yun. Kung hindi mo ako tinulungan sa eksena, di ‘yun magiging posible.

Nais ko ibahagi din sa aking mga co-nominated na mga sa ibang bansa. I want to dedicate this award sa mga anak ko, Sancho, Shaun, Sophia, Andrei at kay darl Gerald. Kayo ang inspirasyon kong maging mahusay sa trabaho ko. Sa aking pamilya kay Mother Justa, salamat mama at sa lahat ng mga nagmamahal at nagdasal para sa akin. Maraming maraming salamat po.”

Muli namang mapapanood sa pinilakang tabing si Aiai sa pelikulang My Mighty Yaya, kung saan makakasama niya si Miss World 2013, Megan Young. 

MORE ON AIAI DELAS ALAS:

MUST-SEE: Aiai Delas Alas' high school photo

READ: Aiai delas Alas at non-showbiz boyfriend, malapit na bang ikasal?

WATCH: Aiai delas Alas, bibida sa pelikula ni Direk Joel Lamangan