Anak ni Aiai Delas Alas na si Sancho, masaya para sa ina

Masaya si Sancho Delas Alas na natupad ang kanyang pangarap na makatagpo ng tamang pag-ibig ang kanyang inang si Aiai?????? Delas Alas.

Kuwento ni Sancho sa kanyang Instagram post, sinukuan na raw ni Aiai ang makahanap ng taong magmamahal sa kanya.

Pag-alala niya, “Sabi mo noon, ‘Anak ayoko nang mag boyfriend. Magfo-focus na lang ako sa trabaho ko at sa inyong mga anak ko.’ Sabi ko naman, ‘Ma, given na na kaming mga anak mo eh nandyan para sa’yo, hindi naman kami mawawala. Tyaka, Ma, hindi pa huli ang lahat. Dahil naniniwala ako na dadating at dadating ang taong para sa’yo.’”

At ngayong ikinasal na ang kanyang ina kay Gerald Sibayan ay panatag na rin si Sancho.

Sambit niya, “Sa wakas!!! Natupad na rin ang matagal mo nang pangarap. Masayang masayang kami para sa’yo, Ma! Congratulations ulit, Mr. and Mrs. Sibayan! Mahal namin kayo!!!”