Around GMA

Article Inside Page

Nag-uumapaw ang pasasalamat ni Aicelle Santos sa bagong blessing na natanggap sa kanyang career -- ang pagkakuha niya ng role na Elsa sa upcoming musical play na 'Himala: Isang Musikal.'

 

HIMALA sa Pebrero 2018.???? #SandboxHimala @thesandboxco @9wtonline #praiseYouJesus #amazinggrace Photo by: @theaterfansmnl

A post shared by Aicelle Santos (@aicellesantos) on Dec 10, 2017 at 4:31am PST

READ: Aicelle Santos, bibida sa musical adaptation ng 'Himala'

Sa naganap na press conference ng 'Himala: Isang Musikal,' inamin ni Aicelle na pareho siyang excited at kinakabahan.

"Itong role na ito ay napakalaki. When I got the news, sa totoo lang, sobrang saya, sobrang excited. Pero I gave it only three minutes, kasi after nun natakot na ako (laughs). Tama ba 'yung narinig ko? But I'm ready for it, and with the help ng buong Cupang, magagawa po natin ito."

Unti-unti naman daw niyang nabubuo ang character ni Elsa.

"Siguro sa bawat rehearsal, nabi-build ko kung sino si Elsa. Ang ganda rin na nagwo-work together ang buong grupo dahil kapag nakita mo kung papaano umarte 'yung buong Cupang, doon mo [mararamdaman] na 'Uy, nakikita ko na si Elsa sa moment na 'to.' It's a process pa rin."

Dagdag pa niya, sana raw ay mabigyan hustisya niya ang isa sa iconic roles ni Ms. Nora Aunor.

"Dito ipinakita ni Ms. Nora ang kagalingan niya sa pag-arte. Siyempre hindi mo maaalis sa tao na [isipin na] 'Kaya ba niyang gawin ang ginagawa ni Ms. Nora?' Sana po I do justice to the role."

Mapapanood ang 'Himala: Isang Musikal' simula February 10 hanggang March 4, 2018 sa Power MAC Center Spotlight, Circuit Makati.