Ruru Madrid, na-overcome na ang kanyang takot sa aso sa taping ng 'Sherlock Jr.?'

Tila na-overcome na ni Ruru Madrid ang kanyang takot sa mga aso dahil sa tapings nila for Sherlock Jr. kung saan ang karakter niyang si Jack ay may alagang Golden Retriever na partner-in-crime din niya. 

Aniya sa una ay takot na takot pa siya. Kuwento ng aktor, "Meron kaming scene sa pilot na kailangan ako dilaan ni Serena dito [sa leeg], as in hindi ko kinaya. As in muntikan na ako himatayin."

Dagdag naman ni Gabbi Garcia, "Pero okay po 'yun, I mean ang ganda kasi na-overcome niya. And ngayon nakikita kong nage-enjoy na siya sa company ng dog."

Wonder dog kung ituring ng cast si Siri at ngayon ay napalapit na rin ang aktor na dating may takot sa maluPET na pet nila. Ika niya, "Feeling ko after nitong show na ito talagang iiyak ako 'pag hindi ko na makakasama si Siri."

Panoorin ang buong report ni Cata Tibayan para sa 24 Oras:

Video courtesy of GMA News