KMJS: Ang dating magkaribal, naging magkasintahan?

Nang malaman ni Angelica na niloko siya ng kaniyang nobyo, 'di niya inaakalang sa beki na si Jeffrey pala ito nangaliwa.

Pero paanong nangyari na ang dating karibal niya, sa katagalan ay naging kasintahan niya pa?

Nang malaman nilang pinagsasabay sila ng iisang lalaki, sa halip na mag-away, naging malapit sa isa't isa sina Angelica at Jeffrey.

Naging magkakampi ang dalawa sa pag-move on sa lalaking nanloko sa kanila.

Kuwento ni Angelica sa Kapuso Mo, Jessica Soho, “Ako talaga 'yung nanligaw kay Jeffrey kasi ako talaga 'yung may gusto sa kaniya. Nung time na nagkakatawagan kami, natanong ko sa kaniya, Tayo na lang kaya? Try natin.”

Ayon naman kay Jeffrey, hindi naging madali ang kaniyang pagpili. “Namili na po ako, kung 'yung babae ba na sobrang bait sa akin na si Angelica o 'yung lalaki na si Justin na gustong gusto ko.”

Panoorin ang kanilang istorya sa KMJS: