lang tulog na lang, lalabas na ang bagsik ni 'Dragon Lady'. Tingnan ang mga kaganapan sa grand media conference ng 'Dragon Lady' kasama ang main cast and crew at mga miyembro ng press.
Nagsama-sama ang main cast at crew ng 'Dragon Lady' para sa kanilang grand media conference sa Shangri-La Chinese Restaurant, Quezon City noong February 28, 2019.
Dati nang nagkasama sa 'Magpakailanman: Wil Dasovich and Alodia Gosiengfiao story' ang lead stars na sina Janine Gutierrez at Tom Rodriguez.
Para kay Janine, malaking challenge ang pagsuot ng dragon lady prosthetics na inaabot ng tatlong oras ilagay.
Naging challenge naman para kay Tom Rodriguez ang mag-taping ng mga dragon boating scenes kasama ang mga batikan sa larangan ng dragon boat racing.
Parehas man silang may sariling love life, confident sina Janine at Tom na magiging successful ang kanilang onscreen pairing dahil sa natural nilang chemistry bilang Celestina at Michael.
Kuwento ni Janine, “Umuuwi talaga ako noon nang maaga para manood ng 'My Husband's Lover.' Fan talaga ako ni Tom.” Kaya laking tuwa niya nang malaman na si Tom ang bago niyang leading man.
Hindi pa nag-uumpisa na mag-taping sa iisang eksena sina Janine at Tom pero excited na sila sa kanilang kakaibang love story sa 'Dragon Lady.'
Mapapanood din sa 'Dragon Lady' sina Edgar Allan Guzman at Joyce Ching.
Supportive raw sa kaniyang role sa 'Dragon Lady' ang fiancé ni Joyce.
Masayang-masaya raw si Edgar Allan na maging parte ng GMA Artist Center dahil matagal niya nang nais magkaroon ng acting contract.
Walang kupas ang appeal ni Diana Zubiri na todo handa para sa pagbabalik TV drama.
Matapos mag-focus sa pagiging new mommy ay handa na rin bumalik sa TV si Maricar De Mesa.
Excited na raw si James Blanco dahil iba ang magiging role niya sa mga dating naging characters, mas mabait daw na James Blanco ang makikita ng mga manonood sa 'Dragon Lady'.
Mapapanood sina Diana Zubiri at James Blanco bilang ang mag-asawang Astrid at Bryan na tatayong magulang ni Celestina.
Handa nang magliyab ang mga eksena ng 'Dragon Lady' simula ngayong Lunes, March 4 sa GMA Afternoon Prime pagkatapos ng 'Eat Bulaga!'