Jeremiah Tiangco, itinuturing na biggest threat sa 'The Clash'
Sa ginanap na media conference ng The Clash Top 12 finalists noong Lunes, November 11, ibinunyag nila kung sino ang kinatatakutan nilang makalaban sa kompetisyon.
Karamihan sa kanila ay pinili ang Pop Heartthrob ng Imus na si Jeremiah Tiangco.
Biggest threat kung ituring ang 22-year-old Caviteño singer dahil malaki ang edge nitong tanghaling The Clash Season 2 Grand Champion dahil unique ang kanyang boses, ayon sa kanyang mga katunggali.
WATCH: Jeremiah Tiangco at Nef Medina, ginulat ang 'The Clash' panel sa kanilang version ng "Hello"
Sa panayam ng ilang entertainment reporters at bloggers, tila hindi alam ni Jeremiah kung paano magre-react sa opinyon ng kanyang co-finalists.
Gayunpaman, ipinahayag niya na lahat sila ay may kanya-kanyang skills sa pagkanta kaya deserving silang makapasok sa Top 12.
Sambit ni Jeremiah, "Actually, 'di ko rin po alam.
"I think lahat naman po kami merong own strengths, may own weaknesses so siguro 'di ko rin po sila masisisi kung bakit gan'on 'yung mga sinasabi nila.
"Pero para po sa 'kin, lahat po kami magaling, lahat po kami deserving sa seat na ito, so lahat po kami deserving na manalo."
Siyempre, hindi rin nakaligtas si Jeremiah sa mainit na tanong ng media kung sino ang nakikita niyang biggest threat sa The Clash.
Ibinahagi niya na ang Sassy Girl ng Pampanga na si Sassa Dagdag ang kinatatakutan niyang makatapat dahil sa malalim na dahilan.
Clasher Sassa Dagdag's version of "My All" earns 1M views on YouTube
Paliwanag ni Jeremiah, "Ayaw ko po siya makalaban kasi bunsong kapatid ko na po s'ya, malapit siya sa 'kin.
"At the same time, nagtutulungan din po kami kapag may tanong po s'ya, tatanungin niya po sa 'kin as kuya."