Tatlong drug suspect ang namatay sa isang anti-drug operation ng PNP at Philippine Drug Enforcement Agency sa Bacoor.

Ayon sa ulat ni John Consulta sa "24 Oras", namatay sina Venencio Banatayo at Felimon Roxas matapos magtangkang tumakas sa mga owtoridad. 

Inaalam pa ang pagkakakilanlan ng pangatlong suspect.

Isinagawa ang raid dahil nakuhaan ng surveillance video ng Bacoor police ang talamak na pagbebenta at paggamit ng drog sa lugar.

Nakita rin sa video mula sa Cavite police ang isang buntis na bumabatak rin ng droga.

Pagkatapos mapatay ng pulis ang mga suspek, nakatanggap pa ng tawag ang cellphone ng isa sa kanila.

Arestado rin sa naturang buy bust operation ang 23 iba pa, kasama ang babaeng nagtago ng droga sa kanyang underwear.

Ayon sa babae, gagamitin niya ang kita niya sa pagbebenta ng droga para makabili siya ng gamot ng anak niyang maysakit. —NB, GMA News