Patay ang isang drug pusher sa engkuwentro sa mga pulis-Laguna, ayon sa ulat sa telebisyon nitong Huwebes ng umaga.
Agad umanong bumunot ng kaniyang baril ang umano'y drug pusher na kinilalang si Anthony Signapan, nang makatunog na pulis ang kaniyang katransaksyon.
Patay si Signapan ng gumati ng putok ang mga pulis.
Nangyari ang drug buy bust sa bayan ng Cabuyao sa Laguna, ayon sa ulat ng Unang Balita.
Nakuha mula kay Signapan ang isang baril, granada, at pitong pakete ng hinihinalang shabu.
Dayo lamang umano sa lugar ang suspek, ayon kay Cabuyao City Deputy Chief of Police Jesus Lintag. —LBG, GMA News
