Wagi ang GMA telefantasya series na "Encantadia" sa nakaraang 2017 Apollo Awards sa Singapore, ayon sa ulat ng GMA News "24 Oras" nitong Huwebes.
Sa Chika Minute report, sinabing ginawaran ng "Best Visual Effects" ang "Encantadia" sa ilalim ng Long Form Category.
Tinanggap ni Senior Program Manager Helen Rose Sese ang naturang parangal, na first international award ng "Encantadia."
Ang Apollo Awards ay kumikilala sa mga pinaka- mahuhusay pagdating sa production at post-production sa Asia Pacific Region.
Nagwakas ang Kapuso hit fantasy primetime series na "Encantadia" nito lang nakaraang Biyernes. -- FRJ, GMA News
