LOOK: Sino ang Kapamilya star na excited na makita ang 'Bubble Gang' barkada?

Labis ang tuwa ng batikang OPM singer/comedian na si Ogie Alcasid nang muli uli niyang nakasama ang mga dating katrabaho sa multi-awarded gag show na Bubble Gang.

Sa Instagram post ni Ogie, nagkaroon ng mini-reunion ang mga dating Kababol sa birthday party ng Kapuso Comedy genius na si Michael V kagabi, December 16.

Ilan sa mga spotted din sa naturang event ang mga mainstay na sina Antonio Aquitania, Boy 2 Quizon at mga dating miyembro na sina Maureen Larrazabal, at Diana Zubiri.

Saad ni Ogie sa kaniyang post, “Reunion with some of my bubble gangers last night at Bitoy's bday bash!”

Bumati din kay Bitoy si Dabarkad Allan K sa Instagram.

Hindi naman naitago ni Maureen Larrazabal ang sobra niyang pagka-miss sa mga dating kasama sa Bubble Gang.