LOOK: SexBomb Girls, nag-reunion sa kasal ni Sunshine Garcia

Ikinatuwa ng fans ang muling pagtitipon-tipon ng original members ng iconic all-girl group na SexBomb Girls sa kasal ni Sunshine Garcia noong Sabado, March 2.

Ginanap ang kasal sa Manila Cathedral sa Intramuros, Manila na sinundan ng enggrandeng reception sa Sofitel Philippine Plaza Manila sa Pasay City.

Kabilang sa secondary sponsors sina Johlan Veluz, Mia Pangyarihan, Cynthia Yapchangco at Aiko Climaco.

Ninang naman ang SexBomb manager na si Joy Cancio.

Present din sa wedding ni Sunshine sina Aifha Medina, Cheche Tolentino, Grace Nera, Louise Bolton, Jopay Paguia at Mae Acosta.

Hindi naman nakadalo ang Onanay star at dating SexBomb leader na si Rochelle Pangilinan matapos manganak sa kaniyang first baby na si Shiloh Jayne kamakailan.

Sa videong ipinost ni Joy Cancio sa Instagram, makikitang nagpa-sample ang grupo ng kanilang signature mantra na "Get Get Aww!"