Mahirap man tanggapin, ang katotohan ay hindi lahat ng love story ay may happy ending - kahit na artista ka pa.
Gayunpaman, hindi ibig sabhin na hindi na puwedeng maging magkaibigan ang dating nagiibigan, lalo na kung nagkaroon sila ng mga anak noong magkasama pa sila.
Mula kay Kapuso actress Jennylyn Mercado at sa dating karelasyon na si Patrick Garcia hanggang kay Star for all Seasons Vilma Santos at Edu Manzano, maraming ehemplo ng mga celebrity ex-couple na naging matiwasay ang pagkakaibigan pagkatapos ng hiwalayan.
NARITO ANG ILANG MGA CELEBRITY EX-COUPLE NAGING MAGKAIBIGAN PARA SA KAPAKANAN NG KANILANG MGA ANAK.
Lagpas isang dekada na ang lumipas mula nang maghiwalay si Jennylyn Mercado at Patrick Garcia, pero magkaibigan pa rin ang dalawa at magkaagapay sa pagpapalaki ng kanilang anak na si Jazz, na ngayon ay binata na.
Napanood ng mga Pilipino ang hindi pagkakasundo ng dating magkasintahan na sina Andi Eigenmann at Jake Ejercito pagdating sa kustodiya ng kanilang anak na si Ellie. Gayunpaman, nagawang lagpasan ito ng dalawa at sa katunayan ay sabay na pinuntahan ang piano recital ng kanilang anak.
Siyam na taon nang magkahiwalay ang dating magka-relasyon na sina Katrina Halili at Kris Lawrence, pero matiwasay pa rin nilang napapalaki ang kanilang anak na si Katie.
Hiwalay mula noong 2016 ang dating mag-asawa na si Sunshine Dizon at Timothy Tan, ngunit nirerespeto pa rin ni Sunshine si Timothy bilang ama ng kaniyang mga anak na sila Doreen at Anton.
Labing-dalawang taong kasal si Ogie Alcasid at Michelle van Eimeren bago sila naghiwalay. Nag-uusap at nagkikita pa rin hanggang ngayon ang dating mag-asawa. Sa katunayan, noong Enero 2023 ay nagkita ulit ang dating mag-asawa at ang kanilang mga anak.
Dalawang taon lamang kasal ang Star for all Seasons na si Vilma Santos at Edu Manzano, pero nanatiling magkaibigan ang dalawang haligi ng showbiz. Kamakailan lamang ay parehong umattend ng binyag ng kanilang apong si Isabella Rose ang dalawa.
Mula pagiging patok na '80s love team, ikinasal sina Lotlot at Monching noong 1989. Nagkaroon sila ng apat na anak, sina Janine, Jessica, Diego at Maxine. Na-annul naman ang kanilang kasal noong 2008.
Labing-pitong taong kasal si Pops Fernandez at Marin Nievera bago sila nag-hiwalay. Mag-kaibigan pa rin ang dalawa, at noong nagkasakit ang kanilang anak na si Ram noong 2021, pareho nila itong inalagaan kasama ang isa pa nilang anak na si Robin.
Labing-siyam na taong kasal sina Romnick Sarmenta at Harlene Bautista bago sila maghiwalay noong 2019.
Sa isang panayam sa 24 Oras, sinabi ni Harlene Bautista na nanatili silang magkaibigan ni Romnick Sarmenta para sa kanilang limang anak - sina Abijah, Seki, Bo, Merel, at Yuwela.
Hindi ikinasal sina Buboy Villar at Angllyn Gorens, pero engaged sila mula 2016 hanggang 2020 bago naghiwalay.
Noong naghiwalay ang dalawa, binansagan silang “bad parents” ng ilang mga netizen dahil sa kanilang paghihiwalay. Dito ipinakita ng dalawa ang kanilang pagkakaibigan dahil pareho nilang pinandigan ang kanilang sitwasyon.
Dalawang taon na mula noong naghiwalay si Kylie Padilla at Aljur Abrenica. Bagama't magulo ang naging kanilang paghihiwalay at aminado si Kylie na “stuck in flight-or-fight” simula noon, maayos na ang kanilang relasyon ngayon lalo na pagdating sa kanilang dalawang anak.
After 11 years of marriage, former beauty queen Maggie Wilson and real estate mogul Victor Consunji announced their separation in a statement. Despite their split, Maggie said that they will remain "good friends and partners" for their son, Connor.
Former actress Michelle Madrigal and American athlete-turned-fitness trainer Troy Woolfolk have separated in 2021 but there is no bad blood between the two of them. In her Instagram post, Michelle revealed that they "have remained friends and co-parents to our beautiful daughter Anika."
Hindi man naging maganda ang kanilang relasyon noong nagkahiwalay sila, pinatunayan nina Erin Ocampo at Michael Pangilinan na kaya pa rin nilang maging magkaibigan para sa kanilang anak na si Kiel.
Isiniwalat ni Ogie Diaz sa kanyang vlog na hiwalay na si Pokwang at partner niyang si Lee O'Brian. Gayunman, nilinaw ng comedy actress na nananatiling maayos ang relasyon nila sa isa't isa para sa kanilang anak na si Malia.
Anim na taon kasal sina Jodi Sta. Maria at Pampi Lacson bago sila naghiwalay. Kahit karelasyon na ngayon ni Pampi Lacson si Iwa Moto, magkaibigan pa rin sila ni Jodi. Sa katunayan, dumalo si Jodi sa binyag ng pangalawang anak ni Pami kay Iwa.
Halos dalawang dekadang kasal sina Sunshine Cruz at Cesar Montano bago sila naghiwalay. Gayunpaman, pareho pa rin silang nasa buhay ng kanilang mga anak. Kapwa sila nasa 18th birthday party ng kanilang anak na si Sam.
Sa interview sa kaniya sa Fast Talk with Boy Abunda, inamin ni Jackie Lou Blanco na sana ay hindi na lamang sila naghiwalay ng dating asawa na si Ricky Davao dahil kahit magkaibigan pa rin sila at co-parents, nakita niya kung paano naapektuhan ang kaniyang mga anak.