Hindi biro magpagamot sa gitna ng COVID-19 pandemic. Heto ang ilang celebrities at kanilang pamilya na humarap sa iba't-ibang medical emergency sa kasagsagan ng pandemya at habang ipinatutupad ang enhanced community quarantine.
Matapos nilang ipagluksa ang pagkamatay ng eldest sister ni Ruby Rodriguez na si Dra. Sally Gatchalian na namatay dahil sa COVID-19, dumaan sa matinding pagsubok ang 'Eat Bulaga' host matapos isugod sa ospital.
Ayon kay Ruby na nanatili sa Manila Doctor's Hospital ng ilang araw, may procedure na kailangan gawin sa kanyang tiyan. Paliwanag ni Ruby sa isang netizen, "I have a a mass in my stomach that needs to be taken out."
Ipinagdiwang ng 'Queen of Soul' na si Jaya at kanyang asawa na si Gary Gotidoc ang kanilang 14th anniversary last May 18, 2020. Pero bago nito, sinubok ang dalawa ng isang medical emergency.
Ni-reveal ng OPM singer sa Instagram na na-ospital for three days si Gary matapos ang kanyang mild stroke. Ani Jaya, "Praise you, Jesus!!! You are my rock and my healer. My husband has been cleared and we will be going home. Been in the hospital for 3 days. Honey, you are so blessed. A mild stroke, but no paralysis. Blood has thinned. Heart is good. Blood sugar controlled. Now we are out of the dark. You are the hardest man I know. And I thank God that you are still whole and with us."
Buong-tapang na hinarap ni GMA News reporter Saleema Refran ang kanyang pagkaka-ospital.
Sa Instagram post ni Saleema last May 18, sinabi niya na naka-recover na siya sa sakit na pneumonia at negatibo siya sa COVID-19.
Nangailangan ng dugo ang versatile actress and mom na si Maricar de Mesa.
Humingi ng tulong ang former 'Dragon Lady' actress sa kanyang followers sa Instagram ng blood donation para sa kanyang ama na nasa intensive care unit (ICU) noong Mayo.