Isa si Erica Abellana sa naging guest ng 'Eat Bulaga' para sa segment na "Bawal Judgemental" kung saan siya mas nakilala ng publiko.
Panganay na kapatid ni Kapuso actress Carla Abellana si Erica, na kapwa mga anak ng dating aktor na si Rey "PJ" Abellana.
Tulad ni Carla, dati ring commercial model si Erica. Naging isang freelance fashion stylist rin ito noong nasa kolehiyo.
Mas kilalanin pa ang artistahing kapatid ni Carla Abellana na si Erica sa gallery na ito:
Anak si Erica Abellana Espiritu ng dating aktor na si Rey "PJ" Abellana, at panganay na kapatid ni Kapuso actress Carla Abellana.
Isang freelance fashion stylist si Erica Abellana noong nag-aaral pa lamang sa kolehiyo. Ayon kay Erica, sinubukan niyang maging isang fashion stylist dahil palagi siyang nasa harap ng kamera bilang isang modelo.
Tulad ng kanyang kapatid na si Carla Abellana, isa ring commercial model si Erica Abellana.
Ayon kay Erica, hindi siya pumasok sa showbiz dahil nais lamang niya ng simpleng buhay kasama ang kanyang pamilya.
Nasa kolehiyo pa lamang, iba't ibang trabaho na ang sinubukan ni Erica Abellana. Pagbabahagi ni Erica, nasa pamilya na raw talaga nila ang maging 'achiever' at 'competitive.'
Payo ni Erica Abellana para sa mga magkakapatid na kung minsan ay hindi maiwasang magkaroon ng kompetisyon, "Don't take it personally. Always just have fun."
Isa ng ina si Erica Abellana sa kanyang tatlong anak na babae na sina Ava, Lucy at Stella.
Mahigit anim na taon ng kasal si Erica Abellana sa kanyang asawa na si Red Espiritu.
Isa sa kinahihiligan ni Erica Abellana ay ang baking.
Sa Instagram, mapapansin na palaging magkasamang namamasyal sina Erica at Carla Abellana tulad na lamang noong nagpunta sila sa Italy.
"You were the most beautiful bride [Carla Abellana] and I am so happy for you and [Tom Rodriguez]. I love you both so much, abu!" sulat ni Erica noong ikinasal ang kapatid na si Carla Abellana.
Ayon kay Erica, ang isa sa paboritong pasyalan ng kanyang pamilya ay ang Boracay.
Noong January 23, ipinagdiwang ni Erica ang 9th birthday ng kanyang anak na si Lucy Helene.
Bago matapos ang taong 2021, masayang nag-bonding ang pamilya ni Erica kasama ang kanyang asawa at mga anak sa isla ng Boracay.
Isang intimate post-bridal shower naman ang pinagsaluhan nina Erica at Carla sa isang beauty clinic kasama kanilang malalapit na mga kaibigan.
Sa kaarawan ni Erica nitong Abril, isang madamdaming mensahe ang isinulat ni Carla para sa kanya. Ayon kay Carla, isa ang kanyang Ate Erica sa pinagkukunan niya ng lakas upang labanan ang kanyang mga pinagdaraanan na problema.
"She would always check up on me, remind me of my worth and tell me everything will be okay. I am crying hard now as I type this because she is a primary source of my strength and I can't thank her enough for saving me many times over," sulat ni Carla sa kanyang post.