Ipinakita ng StarStruck Season 1 alumni na bukod sa kanilang magagandang career, masaya rin ang buhay nila bilang mommies.
Sina Jennylyn Mercado, Yasmien Kurdi, Katrina Halili, at iba pang mga aktres na nagmula sa StarStruck season 1 ay patuloy pa rin sa pagiging active at successful sa showbiz. Saksi rin ang mga ang kanilang fans at social media followers sa pagiging proud mommies nila sa kanilang mga anak.
Tingnan ang StarStruck alumni na mommies na ngayon dito:
Si Jennylyn Mercado, na kauna-unahang StarStruck Ultimate Female Survivor, ay isa sa mga hinahangaang aktres sa industriya. Siya ay binansagan na ngayong Ultimate Star sa showbiz.
Bukod sa kaniyang successful career, proud mom na rin si Jennylyn nina Alex Jazz at Dylan. Hinahangaan din siya sa pagmamahal niya sa stepson niyang si Calix, anak ni Dennis Trillo sa dating partner na si Carlene Aguilar.
Si Yasmien Kurdi ay kinikilala bilang isa sa mga mahuhusay na aktres sa GMA Network.
Sa ngayon ay naghihintay si Yasmien sa pagdating ng second baby nila ni Rey Soldevilla, Jr. Ang panganay nilang anak na si Ayesha ay 11 years old na.
Nagbabalik-Kapuso Network ang StarStruck Season 1 avenger na si Nadine Samonte matapos magpahinga para mag-focus sa pamilya.
Si Nadine at Richard Chua ay may tatlong anak na sina Heather, Titus, and Harmony.
Isa rin sa mga hinahangaan sa mahusay na pagganap sa iba't ibang karakter si Katrina Halili.
Bukod dito, isang maalaga at maalalahaning ina rin Katrina sa kaniyang nag-iisang anak na si Katie, na anak nila ng dati niyang partner na si Kris Lawrence.
Pagkatapos ng StarStruck, nakilala si Sheena Halili sa kaniyang pagiging isang mahusay na aktres.
Ang stunning mom na si Sheena ay ipinagbubuntis na ngayon ang second baby nila ni Jeron Manzanero.
Bumibisita pa rin sa iba't ibang mga programa ang dating StarStruck avenger na si Jade Lopez.
Tampok sa kaniyang social media accounts ang buhay may-asawa at pagiging hands-on mommy niya kina Rinoa, Rohan, at Rhaegar.
Pansamantala namang nagpahinga sa showbiz si Cristine Reyes. Sa kaniyang pagbabalik, muli niyang ipinakita ang husay sa pag-arte sa mga manonood.
Si Cristine ay proud mommy sa kaniyang anak na si Amarah.