WATCH: Dingdong Dantes, may mensahe sa kanyang baby boy

Excited na si Kapuso Primetime King Dingdong Dantes sa pagdating ng pangalawang anak nila ni Marian Rivera.

MUST-WATCH: Gender of Dingdong Dantes and Marian Rivera's second child is what Zia Dantes prayed for

Sa Instagram post ng The Dongyanatics, ibinahagi ng Cain at Abel star ang kanyang message para sa kanilang baby boy.

Aniya, "Hindi ko pa alam kung ano ang ipapangalan ko sa 'yo. Mas relax ka lang, dahil masaya ang mundong papasukan mo at parati mong iisipin na maganda ang buhay. Dahil kung 'yun ang unang mindset mo ay mas gaganda ang pananaw mo at pakikitungo mo sa kapwa."

Nagbigay rin siya ng mensahe para kina Marian at Zia.

"Lalo na ngayon na siya ay nagdadalantao, mas nakikita ko kung ano ang kanyang purpose sa buhay. Siguro naging vehicle or entry point niya ang pagiging artista para makilala ako, tapos kinasal kami. Pero ang pinakagusto talaga niyang mangyari ay magkaroon ng pamilya, magkaroon ng mga anak. 'Yung role niya bilang isang nanay ay talagang ginagampanan niya ng sobra-sobra. Hanga ako sa ganyang dedication niya. Susuportahan kita sa hirap o ginhawa, and I love you always," saad ni Dong patungkol sa kanyang asawa.

Short and sweet naman ang message niya para sa kanyang panganay.

"Huwag masyadong makulit, relax lang. Paparating na ang kalaro mo."