Mark Zambrano, tinawag na 'biggest blessing' ang magiging anak nila ni Aicelle Santos

Kahapon (June 17), inanunsiyo ng Kapuso singer na si Aicelle Santos sa Instagram ang kaniyang pagbubuntis sa anak nila ng asawa niyang si Mark Zambrano.

Sa sariling post naman ni Mark sa kaniyang Instagram, nagsulat ang TV anchor ng mensahe para sa kaniyang asawa at magiging anak.

Aniya, "Napakaraming biyaya na ang aking natangap mula sa Panginoon. Ngayon, ikaw anak ang pinakamalaki.

"Ikaw at ang iyong ina ang sentro ng bago kong mundo. Pangako ko na pupunoin ko ng pagmamahal at saya ang buhay ng ating maliit na pamilya. Kaunti na lang anak, magkikita na tayo. Nagmamahal, daddy Mark and mommy A."

Nagbiro din si Mark sa kaniyang hashtag na siya raw ay #SoonToBeAStageDaddy.

Ikinasal sina Aicelle at Mark sa Batangas noong November 2019.

Congratulations, Aicelle and Mark!