LOOK: Jennica Uytingco's throwback twinning photo with Jean Garcia

Parang pinagbiyak na bunga ang mag-inang Jennica Uytingco at Jean Garcia sa throwback photos nila sa Instagram.

Ibinahagi ni Jennica ang isang collage ng apat ng litrato kung saan makikita ang ilang lumang pictures nila ni Jean.

Pareho pa ng hairstyle ang mag-ina kaya lalo silang naging magkamukha.

"Look Mama, we look alike!" sulat ni Jennica sa caption ng kanyang post.

Si Jennica ay anak ni Jean at former actor at That's Entertainment alum na si Jigo Garcia.

Itinuturing si Jean bilang isa sa mga ageless beauties ng Philippine showbiz.

Samantala, abala si Jennica ngayon sa kanyang thrice-weekly Twitch stream na Jenni Plays PH.