Max Collins at Pancho Magno, hands-on kay baby Skye Anakin

One month old na si Baby Skye Anakin Magno, ang firstborn nina Kapuso couple Pancho Magno at Max Collins.

Lagi ring laman ng social media accounts ng dalawa ang mga cute na larawan at videos ni Skye.

Max Collins and Skye Anakin / Source: maxcollinsofficial (IG)

Sa panayam ng 24 Oras, ibinahagi ni Pancho na hands-on umano sila sa pagdating sa pag-aalaga sa baby boy nila.

Si Max ay committed sa pagbe-breastfeed kay Skye habang nakatuon din ang atensyon ni Pancho sa mga pangangailangan ng kanilang anak.

Ayon sa aktor, “Lagi siyang nakadikit. Sobrang Mama's boy, e.

"Pero kapag ako nagpapaligo, nagpapalit ng diaper, tina-try ko kung ano man 'yung magagawa ko, except sa breastmilk.”

Dagdag pa niya, malaking bagay umano na sanay silang mag-asawa sa pagpupuyat dahil sa uri ng trabaho nila.

“Pinag-uusapan nga namin, "Buti artista tayo 'no? Kasi sanay tayo sa puyatan." Nakatuwa naman,” lahad pa niya.

Pancho Magno, Max Collins and Skye Anakin / Source: magnopancho (IG)

Samantala, naghahanda na si Pancho sa pagbabalik-trabaho, matapos ang ilang buwang quarantine dahil sa COVID-19.

“Nandu'n 'yung hindi mo alam kung anong mangyayari. Nakakatakot but nag-swab testing kami and I do take my vitamins everyday din naman.

“Nag-e-exercise, siyempre, kailangan maging healthy, lalo na ngayon may baby na sobrang healthy,” dagdag pa niya.

Isinilang ni Max ang first baby nila ni Pancho noong July 7.