Ano'ng 'maliit na bagay' ang ipinagpapasalamat ni Paolo Contis?

Ika nga, “good things come in small packages.”

Kaya naman sobrang thankful ni Paolo Contis nang makalabas ang kanyang buong pamilya noong Sabado, October 17.

Ani ng Kapuso comedian, ito ang una nilang pagkakataong makalabas sa kanilang bahay at makalanghap ng fresh air pagkatapos ma-impose ang enhanced community quarantine noong Marso.

“Last weekend, first time nilang makalabas ng bahay, makalanghap ng fresh air, at makalakad sa bundok na putikan simula nung nag-lockdown!” kuwento ni Paolo.

“Umuwi kami ng sobrang pagod pero sobrang saya! They were sleeping while I was driving… my heart was full… it was a good day.”

Wika pa ng Bubble Gang actor, ang ganitong moments daw ang nagpapataba ng kanyang puso.

“Just reminding everyone to always be thankful.

“Kahit mahirap ang buhay, there's always something (kahit sobrang liit na bagay) to be thankful for.”

Dagdag pa niya, “Wala lang! Senti ako ngayon! Walang pakialamanan!”

Kalakip ng caption nito ang ilang litrato ng kanilang weekend getaway.

Sa comments, maraming fans ang pumuri kay Paolo at nagsabing naging inspirasyon siya sa kanila sa parehong likod at harap ng camera.

“Napapasaya niyo po kami sa harap ng kamera lalo na po sa likod ng kamera. Isa ka pong inspirasyon Sir Paolo,” batid ng isang netizen.

Source: paolo_contis (IG)