Nananatiling malapit si Heart Evangelista sa kambal ni Chiz Escudero na sina Chesi at Quino, ang mga anak ng senador sa kanyang dating asawa. Kilalanin pa ang ibang celebrity stepmoms and stepdads sa gallery na ito.
Malaki ang pasasalamat ng former beauty queen/host Miriam Quimbao na dumating sa buhay niya ang stepson na si Josh. Adopted son si Josh ng asawa ni Miriam na si Ardy Roberto na isang businessman at successful book author. Sa Instagram post ni Mommy Miriam last May 27, 2019, nagpasalamat ito na tinutulungan siya ng stepson sa pag-aalaga kay Baby Elijah. Saad niya, “Last night, seeing that the yaya was on day off, he decided to help prepare Elijah for a bath. It was so heartwarming to see these two together.” Isinilang ni Miriam ang first baby nila ni Ardy via emergency cesarean procedure noong February 16, 2019.
Madalas makatanggap si Heart Evangelista ng simple letters mula sa kanyang sweet stepchildren na sina Chesi at Quino, ang kambal na anak ni Senator Chiz Escudero sa kanyang dating asawa na si Christine Flores.
Sa isang interview, sinabi ni Kylie Padilla na nagpapasalamat siya sa suportang ibinigay ng kanyang stepmom na si Mariel Rodriguez noong ipinagbubuntis pa niya si Baby Alas.
Bagamat halos magkakalapit lamang ang edad, naging stepmom nina Oyo Boy Sotto, Danica Sotto, Paulina Sotto at Vico Sotto si Pauleen Luna matapos niyang pakasalan si Vic Sotto.
Nananatiling malapit si Charlene Gonzalez sa kanyang stepson na si Luigi Muhlach, ang anak ni Aga Muhlach kay Janice de Belen.
Matapos ikasal sina Hayden Kho at Dra. Vicki Belo noong 2017, opisyal nang naging stepdad ni Cristalle Henares ang ama ni Scarlet Snow.
Tanggap ni Lorna Tolentino ang stepson na si Mark Anthony Fernandez, ang anak ng namayapang aktor na si Rudy Fernandez kay Alma Moreno.
Todo-suporta si Regine Velasquez-Alcasid sa kanyang stepdaughter na si Leila Alcasid, ang anak ni Ogie Alcasid kay Michelle Van Eimeren.
Malapit si KC Concepcion sa kanyang stepdad na si Kiko Pangilinan.
Si Sen. Ralph Recto ang tumatayong ikalawang ama ni Luis Manzano, ang anak ni Vilma Santos kay Edu Manzano.
Stepson ni Annabelle Rama ang aktor na si Tonton Gutierrez, ang anak ni Eddie Gutierrez kay Liza Lorena.
Ilang beses nang nagkatrabaho sa GMA si Jaclyn Jose at ang kanyang stepson na si Gabby Eigenmann. Anak ni Mark Gil si Gabby kay Irene Celebre.
Mula noong nagpakasal si Maritoni Fernandez sa kanyang partner na si Mon Dayrit, naging step-mother na si Maritoni ng dalawang lalaking anak ni Mon na sina Julian (ikalawa mula kaliwa) and Diego Dayrit (pinaka-kanan).