Mala-teleserye at kontrobersiyal ang gusot na kinasangkutan noon ng StarStruck Alumna na si Iwa Moto at ng Kapamilya actress na si Jodi Sta. Maria. Pero ngayon, magkasundo at suportado nila ang isa't isa sa pagpapalaki ng kanilang mga anak kay Pampi Lacson.
Tingnan ang mga larawang ito:
Pinadalhan ni Jodi si Iwa ng isang book about breastfeeding habang ipinagbubuntis ni Iwa ang panganay na anak nila ni Pampi na si Hiromi.
Parehong sinusuportahan nina Iwa at Jodi ang school basketball games ni Thirdy sa La Salle.
Magkasundo rin ang dalawa pagdating sa pag-me-maintain ng kanilang healthy body.
Hindi inaasahan ni Iwa na magiging magkaibigan sila ni Jodi kaya naman lubos siyang nagpapasalamat dito. 'Amor' pa nga kung tawagin niya si Jodi. Sa katunayan, parang anak na rin ang turing ni Jodi sa anak ng ex-husband niya at ni Iwa na si Hiromi Aiko Eve.
Isa ang painting sa kanilang bonding moments.
Present ang kanilang pamilya sa birthday celebration ni Thirdy. Nagbigay pa ng touching message si Iwa para kay Thirdy. Um-attend din noon ang noo'y boyfriend ni Jodi na si Jolo Revilla at anak nitong si Gab.
Nagkaroon ng pagkakataon na magtungo ang pamilya nina Jodi at Iwa sa Singapore noong 2018.
Blessed, loved, and at peace ang nadarama ni Jodi dahil naging maayos ang samahan nila ni Iwa. Aniya, walang imposible sa Panginoon.
Magkaiba man ang binotong kandidato sa pagka-presidente noong eleksyon 2022, nirerespeto nina Iwa at Jodi ang political stand ng isa't isa. Matatandaang tumakbo sa pagka-pangulo ang ama ni Pampi na si Ping Lacson pero si Leni Robredo ang sinuportahan ng Kapamilya actress.
Laging present si Jodi sa important family occasions nina Iwa at Pampi gaya ng binyag ng ikalawang anak ng couple na si Caleb Jiro.
Present si Iwa Moto nang grumaduate sa high school ang anak nina Jodi Sta. Maria at Pampi Lacson na si Thirdy mula sa De La Salle Santiago Zobel sa Alabang, Muntinlupa noong 2023. Ika ni Iwa, "May college na kami."
"We are blended not broken," ang touching caption ni Jodi Sta. Maria sa larawang ito ng kanyang blended family na kuha noong Christmas 2023.
Magkasama ring nagdiwang ng nakaraang New Year's Eve sina Iwa Moto at Jodi Sta. Maria.