Marami ang nakakaalam na nagsimula ang pagmamahalan nina Kapuso Primetime King at Queen Dingdong Dantes at Marian Rivera noong nagkasama sila sa top-rated Pinoy remake ng 'MariMar' noong 2007.
Ngayong kasal na silang dalawa at may dalawa ng anak, solid Kapuso pa rin sina Dingdong at Marian.
Bukod sa Pamilya Dantes, Kapuso rin ang mag-asawang Drew Arellano at Iya Villania. Sa katunayan, minsan ay napapanood rin ang kanilang mga anak na sina Primo, Leon, at Alana sa 'Chika Minute' segment ng '24 Oras,' dahil nagtatrabaho si Iya mula sa kanilang bahay.
Kilalanin ang ibang pang solid Kapuso na ating mga hinahangaang artista at ang kanilang pamilya.
Nagsimula ang love story nina Kapuso Primetime King Dingdong Dantes at Kapuso Primetime Queen Marian Rivera sa high-rating Pinoy remake ng 'MariMar.' Nagsunod-sunod ang mga proyekto ng bankable love team hanggang humantong ang kanilang samahan sa altar at nabiyayaan sila ng dalawang anak na sina Zia at Ziggy.
Ang 'Biyahe ni Drew' ay sariling travel show ng asawa ni 'Chika Minute' anchor Iya Villania. Minsan ay nakikita rin sa 'Chika Minute' ang kanilang mga anak na sina Primo, Leon, at Alana.
Proud Kapuso ang buong Legaspi family. Kasalukuyang host sina Carmina, Mavy, at Cassy ng 'Sarap 'Di Ba?' Bukod rito, may mga kanya-kanyang teleserye ring ginagawa ang mag-iina.
Sino ang mas “bida-bida” sa magkapatid? Si Jak ang nagdala ng kanilang apelyido habang screen name naman ni Sanya ang kanyang gamit.
Bukod kay Wendell Ramos, solid Kapuso na rin ang kanyang mga anak na sina Saviour at Tanya. Parehong pumirma ng kontrata sina Saviour at Tanya sa Sparkl GMA Artist Center noong 2021.
Solid Kapuso ang Mendez family dahil bukod sa beteranang aktres na si Melissa Mendez, Kapuso na rin ang kanyang anak na si Alexandra. Bukod rito, mapapanood rin sa GMA ang kapatid ni Melissa na si Glenda Garcia sa 'First Lady (www.gmanetwork.com/firstlady) kasama ang kanilang pinsan na si Isabel Rivas.
Bukod sa mag-asawang Arthur Solinap at Rochelle Pangilinan, solid Kapuso na rin ang kanilang pamangkin na si Paul Salas. Kapatid ng ina ni Paul na si Michelle Solinap si Arthur.
Napapanood sa GMA ang magkapatid na Rayver at Rodjun Cruz kasama ang kanilang mga pinsan na sina Sunshine, Geneva, at Sheryl. Magkasama sa 'Little Princess' sina Geneva at Rodjun samantalang mapapanood naman sa 'Prima Donnas' si Sheryl. Si Sunshine ay kabilang sa 'Mano Po Legacy: The Family Fortune' habang si Rayver naman ay regular sa 'All-Out Sundays.'
Mula noong magkarelasyon pa lang sila hanggang sa naging mag-asawa na ay solid Kapuso pa rin sina Mikael Daez at Megan Young. Sina Mikael at Megan ang magiging host ng singing competition ng GMA na 'Sing For Hearts.'
Sa GMA nagbuo ang pagmamahal nina Mark Herras at Nicole Donesa nang magsama sila sa afternoon series na 'Bihag.' Ngayong kasal na sina Mark at Nicole at may anak na, nananatiling Kapuso pa rin ang mag-asawa.
Magdadalawang dekada na sa GMA ang mag-asawang Dennis Trillo (Abelardo Dennis Florencio Ho) at Jennylyn Mercado. Mula noong una silang naging magkarelasyon, naghiwalay, at naging magkarelasyon muli, hindi iniwan nina Dennis at Jennylyn ang GMA Network.
Sinamahan ni Brianna ang kanyang ama na si Michael V. noong pumirma ito ng kontrata sa Sparkle GMA Artist Center noong 2021.