Kilalanin ang mga magkakapatid na Kapuso celebrities na nagpapakita ng kanilang galing sa kani-kanilang showbiz career.
Nagsama na ang Cruz brothers na sina Rodjun at Rayver para sabay na maipakita ang kanilang mga talento sa Kapuso network. Matagal nang Kapuso at naging parte ng iba't ibang programa si Rodjun. Sa pagbabalik naman ni Rayver sa GMA Network matapos ang 16 taon ay bumida naman siya sa 'Asawa Ko, Karibal Ko.'
Parehas na nagpakita ng husay sa kani-kanilang mga careers sina Jak Roberto at Sanya Lopez sa mga pinagbidahan nilang mga Kapuso shows. Isa sa mga tumatak na proyekto ni Jak ay ang 'Meant to Be' at si Sanya naman ay gumanap bilang isang Sang'gre sa 'Encantadia.'
Ang Young sisters na sina Megan at Lauren ay napatunayan na ang kani-kanilang mga husay sa mga Kapuso drama shows.
Sa pagpasok nina Mavy at Cassy Legaspi sa mundo ng showbiz ay pumirma sila ng kanilang kontrata sa GMA Network. Sila ay napapanood ngayon sa 'Studio 7' at sa 'Sarap, 'Di Ba?' kasama ang kanilang ina na si Carmina Villarroel.
Sinundan ni Mika dela Cruz ang yapak ng kanyang ate na si Angelika dela Cruz sa pagpasok sa showbiz. Kasunod nito ay ang kanyang paglipat rin sa Kapuso network noong 2016.
Nananatili ring loyal Kapuso ang equally athletic and talented na sina Andre at Kobe Paras.
Proud na proud at suportado ni Kapuso hunk actor Ruru Madrid ang pagpasok din sa showbiz ng kanyang nakababatang kapatid na si Athena Madrid.