Max Collins shares how working out helped her mental state during the pandemic

Ibinahagi ni Max Collins kung paano nakatulong nang malaki sa kanyang mental health ang pagwo-workout lalo na ngayong may pandemya.

Sa naganap na Pinoy Abroad Fun Connect sa GMA Pinoy TV para sa casts ng 'To Have and To Hold,' inamin ni Max na kahit na ipinagbubuntis niya noon ang anak na si Skye Anakin ay nagwo-workout pa rin siya.

"During the pandemic nabuntis ako, nanganak ako and now I'm back to work na naman. Ako ever since the pandemic I'm working out. Pinush ko 'yung sarili ko kasi alam ko na mahihirapan ako manganak if I'm not physically fit. So ever since then parang naging addiction siya.

"So hanggang ngayon ganu'n pa rin 'yung ginagawa ko. It's really for mental health. I think a lot of people think na 'di ba when you say na 'I wanna workout kasi magpapapayat ako,' hindi ganu'n e kasi it's really for your mental health," pagbabahagi ni Max.

Ayon kay Max, malaki ang naitutulong ng pag-eehersisyo hindi lang para mapanatili ang magandang pangangatawan kundi maging sa malusog na pag-iisip.

"Kasi when your body is functioning properly, then your mind is functioning properly and you are more controlled of your emotions lalo na kapag depressed ka. It really helps balance all the hormones.

"For me nakatulong talaga siya throughout the pandemic. And I will advise everyone when you want to do something and you are sad just workout," paghikayat ni Max.

Matatandaan na ipinanganak ni Max si Skye Anakin sa pamamagitan ng water birth sa kanilang bahay para manatiling ligtas laban sa COVID-19. Ipinanganak ni Max si Skye Anakin noong July 6, 2020.

Samantala, tignan sa gallery sa ibaba ang workout photos ni Max Collins: