David Licauco, kailangang magpaopera dahil sa sleep disorder

Nasa rurok ng kasikatan ang Kapuso actor na si David Licauco dahil sa kanyang pagganap bilang Fidel sa hit GMA Telebabad series na Maria Clara at Ibarra.

Patuloy ang pamamayagpag ng career ni David sa showbiz at padagdag nang padagdag na rin ang kanyang endorsements.

Healthy looking ang sought-after actor dahil fit ang kanyang pangangatawan at tila walang bakas na may iniindang karamdaman.

Pero ang katotohanan, kailangan palang magpaopera ni David dahil sa kanyang serious sleeping disorder na sleep apnea, kung saan tumitigil ang paghinga ng isang tao kapag ito ay tulog.

"It's scary talaga 'yung, sleep apnea. It's been my insecurity since it started when I was 16 years old so it's been 11 years. 'Yung sleep apnea, basically, my breathing stops. It's about thirty seconds straight about 24 times in an hour when I'm sleeping obviously," bahagi niya sa eksklusibong panayam ng GMANetwork.com kamakailan.

Ilan lamang sa mga sintomas ng sleep apnea ay ang pagiging iritable, daytime drowsiness, at fatigue dahil sa interruptions sa kanyang pagtulog.

Humingi naman ng tawad si David sa mga taong nasungitan niya dahil sa epekto ng kanyang kondisyon.

"So the next day, bad mood ka. Nasa'n ako? Nasa showbiz industry ako and easy to judge, 'di ba?," sabi niya. "So sa lahat ng nasungitan ko, alam n'yo na siguro kung bakit.

"Actually sa gabi lang umaayos 'yung mood ko e. Siguro kailangan mo rin talaga mag-warm up, e.

"Kumbaga 'yung brain ko matagal siyang nagwa-warm up as compared to others so bukas pupunta kami ng mom ko sa doctor to have a check up again. I'll probably get an operation soon 'cause hirap na hirap na 'ko."

Panoorin ang buong panayam ng GMANetwork.com kay David sa Kapuso Showbiz News:

KILALANIN PA ANG MAN OF THE HOUR NA SI DAVID LICAUDO SA GALLERY NA ITO: