Silipin ang mga gawaing-bahay ng ilang celebrities ngayong may enhanced community quarantine sa gallery na ito.
Ngayong nasa Bicol, tumutulong si Kyline Alcantara sa kusina ng kanyang lolo at lola. Isa sa naging trabaho niya ay ang pagkudkud ng niyog.
Sa paglalaba madalas abala si Betong Sumaya. At para malibang sa pagkukusot ay sinasabayan pa ito ng komedyante ng pagkanta.
Maraming oras ang ginugugol ni Neri Miranda sa kusina at kabilang na rito ang paghuhugas ng pinagkainan ng kanyang pamilya.
Kasama nina Manny Pacquiao at Jinkee Pacquiao na maglaba ang kanilang mga anak na sina Mary at Queenie ngayong naka-quarantine.
Nagpapaka-productive si Glaiza de Castro ngayong naipit siya sa Baler sa pamamagitan ng ilang gawaing-bahay tulad ng pagluluto, paghuhugas ng pinggan, at paghahalaman.
Si KC Concepcion ang gumupit ng buhok ng kanyang alagang aso.
Ngayong naka-quarantine, natuto raw si Heart Evangelista kung paano ang paghihiwalay ng mga labada.
Ang paglalaba rin ang isa sa mga pinagkaaabalahang gawaing-bahay ni Gabbi Garcia ngayon.
Sinabayan ni Zoren Legaspi ng cardio workout ang kanyang old-school na paglalaba.
Lagi raw sinusubukan ni Bea Binene maging productive. Kabilang sa kanyang mga ginagawa ay ang paglilinis ng bahay tulad ng kanyang banyo.
Sinasamantala rin ni Kristoffer Martin ang oras sa bahay sa pamamagitan ng paglilinis nito.
Natuto si Lani Misalucha na magbutingting at mag-ayos ng ilang gamit sa bahay tulad ng kanyang aircon at flush system.
Ang paglalaba ang isa sa mga pinagkakaabalahan ng expecting mom na si Max Collins.
Naglilinis din ng bahay si Audrey Miles ngayong may enhanced community quarantine.
Natuto si Kean Cipriano ng ilang gawaing-bahay tulad nang mag-set-up ng water purifier at adapter para sa kanilang dishwasher sa bahay.