Ngayong quarantine, maraming tao ang nahilig sa paglalaro at pag-i-stream ng kanilang laro sa Facebook, at iba pang video sharing site.
Katulad ng mga simpleng tao, nagsimula na ring mag-stream ang mga artista sa pangunguna ni Asia's Multimedia Star Alden Richards.
Ang iba, katulad nina Miss World 2013 Megan Young at cosplayer Myrtle Sarrosa, ay matagal nang nag-i-stream ng kanilang mga laro.
Kilalanin ang iba pang mga artista na video game streamer din dito sa gallery na ito.
Nagsimula nang mag-stream si Alden Richards sa kaniyang official FB page kung saan naglalaro siya ng Mobile Legends at Ragnarok Mobile.
Panoorin ang Mobile Legends gameplay ni Shaira Diaz sa kaniyang gaming page na SDiaz Gaming kung saan madalas niyang ginagamit ang paborito niyang hero na si Kadita.
Subaybayan ang gaming stream ni Megan Young kung saan naglalaro siya ng iba't ibang games gaya ng Ragnarok Mobile, Animal Crossing, at Stardew Valley.
Madalas nakakalaro ni Michelle Dee ang kaniyang fans sa Call Of Duty Mobile sa tuwing siya ay nagla-live stream.
Tiyak na maaaliw kayo sa video game stream ng Kapuso actor na si Kristoffer Martin kung saan naglalaro siya ng Mobile Legends at Call Of Duty Mobile.
Panoorin si Paul Salas at ang kaniyang kaibigan na si Arj Eder sa FB page na Arj & Paul. Dito, naglalaro sila ng NBA 2k20.
Kahit na busy sa showbiz, active pa rin si Khalil Ramos sa kanyang streaming. Madalas naglalaro si Khalil ng 'Call of Duty' mobile.
Bukod sa pagiging cosplayer, isa ring magaling na gamer si Myrtle Sarrosa. Sa katunayan, siya lang ang nag-iisang pinay na nakapasok sa top 100 ng top Ragnarok players sa Southeast Asia noong 2020. Panoorin kung paano maglaro si Myrtle sa kanyang Facebook page.
Pinatunayan ni Jillian Ward na hindi lang siya maganda at magaling na aktres, kundi magaling din sa paglalaro ng 'Rules of Survival.'