Talino, pagpapakita ng magandang physical appearance at husay sa pagrampa ang ifine-flex ng beauty queens tuwing sasali sila sa isang pageant.
Ang ilang indibidwal naman, husay sa acting skills ang ipinamalas upang mapabilang sa entertainment industry.
Ngunit, pagkatapos ng kanilang tagumpay, may isang test pa nga ba silang kailangang pagdaanan?
'Yan ay ang mapakita ang kanilang photography skills sa pamamagitan ng pagkuha ng litrato sa Miss Universe Philippines 2014 na si Mary Jean o mas kilala bilang MJ Lastimosa.
Maraming netizens ang naaaliw sa bawat paandar post at witty captions ni MJ.
Ilang bigating mga personalidad kasi ang ginagawa niyang photographer para sa kanyang OOTDs.
Tingnan ang stunning photos ni MJ Lastimosa at kilalanin ang kanyang celebrity photographers sa gallery na ito:
Isa sa nag-viral na Instagram post ni MJ Lastimosa ay noong sinubukan niya ang photography skills ng beauty queen na si Janine Tugonon. Si Janine ang itinanghal na Miss Universe 1st runnerup noong 2012 edition.
Lubos na kinaaliwan ng ilang netizens ang witty caption ni MJ tungkol sa kanyang co-beauty queen,
"Walang 1st runner up 1st runner up dito, ayusin mo yan @janine_tugonon.”
Napasabak rin bilang OOTD taker ni MJ Lastimosa ang Miss Universe Philippines 2020 na si Rabiya Mateo. Habang sila ay nasa Los Angeles, hindi pinalampas ni MJ ang chance na magpakuha ng photos kay Rabiya.
Recruited rin bilang photographer ni MJ ang isa sa matalik niyang kaibigan na si Binibining Pilipinas Universe 2011 Shamcey Supsup.
Suot ang brown sexy coordinates, nagpakuha muli ng litrato si MJ kay Shamcey Supsup.
Biro pa ni MJ sa kanyang caption, “Mabuti naman at marunong na ng lower angle si @supsupshamcey.”
Hindi rin nakaligtas sa pa-photography test ni MJ Lastimosa ang kanyang Eat Bulaga co-host at Reina Hispanoamericana 2017 na si Teresita Ssen Marquez o mas kilala bilang si Winwyn Marquez.
Lubos na naaliw ang netizens sa pabirong caption ni MJ tungkol kay Winwyn,
"Teresita walang reina reina dito kelangan ko ng ootd.”
Comment naman ni Winwyn, “Bwahahaha madali naman kasi ako kausap madam!”
Hindi lang pala kilala bilang reigning Miss Universe Philippines si Beatrice Gomez, sikat na rin kasi siya bilang latest photographer ni MJ Lastimosa.
Na-recruite din ni MJ Lastimosa bilang photographers ang Miss Universe Philippines 2021 Charity title holder na si Victoria Vincent at ang Miss Universe Philippines 2021 1st runnerup na si Maureen Wroblewitz.
Game na game nilang kinuhanan ng photos si MJ habang sila ay nasa isang swimming pool.
Hindi lang pala Pinay beauty queens ang target ni MJ. Sinubukan rin niya ang photography skills ng Miss Grand International 2020 na si Abena Akuaba Appiah.
Ayon sa caption ni MJ, “Ang batang Ghana ay mahusay na photographer. Good to see our MGI2020 my sister @abenaakuaba today love you!!!”
Sinundan pa ito ng Miss Universe Nepal 2020 na si Anshika Sharma.
Sino naman kaya ang susunod na OOTD taker/photographer ni MJ Lastimosa?
Samantala, balikan ang ilang paandar post at captions ni MJ Lastimosa sa gallery na ito:
"Pa-picture" ang naging salubong ni MJ Lastimosa kay Miss Universe Philippines 2022 Celeste Cortesi matapos siyang magpakuha ng larawan dito suot ang kanyang OOTD sa isang beauty salon.
Pinagbigyan din ni dabarkads Paolo Ballesteros ang paandar ni MJ Lastimosa na magpa-picture ng kanyang OOTD sa mismong opening event ng Drag Race Philippines kung saan host mismo si Paolo.