Arra San Agustin, nag-enroll sa isang baking course ngayong quarantine
Dahil sa pandemyang dala ng COVID-19, pansamantalang naantala ang taping ng ilang Kapuso lifestyle programs tulad ng Taste MNL na pinangungunahan ni Kapuso actress Arra San Agustin.
Pero dahil the show must go on, may fresh episodes na dala si Arra sa fans ng show.
Kuwento ni Arra sa Kapuso Brigade ZOOMustahan, marami na silang naihandang fresh episodes na mapapanood online tuwing Miyerkules at Biyernes.
Saad ni Arra, "Ngayong quarantine, ang objective namin is to let people know kung ano 'yung mga verified na safe and masarap na online food businesses.
“Kasi, 'di ba, ang dami na nag-open ng online food businesses because of the lockdown. Siyempre, it's an alternative source of income sa karamihan sa atin.
"Ito 'yung mga bago naming feature--mga online food businesses.
"Kasi, what we usually do is we go around the metro and we visit restaurants. This time, we want to help small entrepreneurs and start-up businesses. Since uso na ang deliveries."
Arra San Agustin sa Kapuso Brigade ZOOMustahan / Source: Kapuso Brigade
Ibinahagi din ni Arra na naging busy siya sa pagbe-bake ngayong quarantine kaya naman minabuti niyang mag-enrol sa isang baking school.
“Ang dami kong gusto i-try pero since I'm confined at home, isa na siguro dun ang baking. I love baking now. I fell in love with it.
“Nag-enroll din ako sa baking school and it will run for 24 days on a weekend.”
Sa ngayon, plano rin ni Arra na magbukas ng isang food business kapag natapos na niya ang kanyang cooking course.
“Pagkatapos ng class ko, 'pag naging chef na ako, gusto ko muna siya i-practice.
“Then after that, I'll probably start with online kasi 'yun 'yung easiest way to get into business. Of course, gusto ko magkaroon ng sarili kong cafe and bakery."
Arra San Agustin sa Kapuso Brigade ZOOMustahan / Source: Kapuso Brigade
Makipagkuwentuhan sa inyong favorite Kapuso stars online! Sumali lang sa Kapuso Brigade official Facebook, Twitter, o Instagram: @kapusobrigade at magpadala ng message kung bakit kayo ang dapat mapilii para sa next Kapuso Brigade ZOOMustahan.