Klea Pineda, jojowain si Andre Paras?

Sa latest vlog ni Magkaagaw star Klea Pineda, hinamon niya si Andre Paras na gawin ang “Jojowain o Totropahin” challenge kasama niya.

Game na game naman ang Kapuso actor sa challenge na ito at ibinunyag pa niya na “jojowain” niya ang aktres.

Pabirong saad ni Andre, “Ang nakakapikon lang kasi, never kaming nagkaroon ng eksena sa Encantadia. Sana 'yung mga writer natin naisip na pwede 'yun.

“Gusto ko siyang ma-meet kasi alam ko na hindi lang siya maganda in person pero inside, she's very respectful sa parents, very goal-driven, at alam niya kung ano'ng gusto niya.

“She also doesn't go with the stereotypes. Kasi tingnan mo, nagba-bike siya, nagta-truck, at meron siyang alagang American Bully.

“Kasi 'yung iba when they look at Klea, yeah she's beautiful tapos model, pero once you get to know her… woooh! Bad ass chick ang tawag mo diyan!

“Ang haba ng explanation ko pero jojowain ko 'yan!”

Ganito rin ang sentimyento ni Klea tungkol kay Andre.

Paliwanag ni Klea, “Kasi si Andre, very fun siyang kasama tapos mafi-feel mo na concerned siya sa'yo.

“'Pag kailangan mo ng kausap, nandyan siya para sa'yo at hindi ka mabo-bore 'pag kasama siya. Kaya feeling ko, pwede… jojowain ko siya.”

Pero babala ng dalawa sa fans, 'wag bigyan ng malisya ang kanilang munting laro.

“Okay, disclaimer it's just a game, okay? For fun lang ito,” wika ni Andre.

Panoorin ang kanilang fun challenge:

Kung nami-miss niyo na sina Klea Pineda at Andre Paras sa telebisyon, mapapanood ang latest aired episodes ng Magkaagaw at Descendants of the Sun (The Philippine Adaptation) sa GMA Network official website o sa GMA App.