Tom Rodriguez on Carla Abellana: “You can't control what you feel”

Dahil single na muli ang Kapuso actress na si Carla Abellana, hindi maiwasan ng mga fans nila ni Tom Rodriguez na i-push sa totoong buhay ang kanilang tambalan. Ano kaya ang masasabi ni Tom rito?

Ayon kay Tom, friends lang sila umano ng kanyang leading lady na si Carla. “We're friends, but part of being friends is getting to know each other. With any kind of friendship nag-start naman doon”.

Dagdag niya, “ayoko pangunahan ang sarili ko sa ganoon. Right now, I'm enjoying what's there. Kung friends kami, we're friends, just enjoying that. We're both going through things. Siguro we're just enjoying that”.

Kuwento ni Tom, open siya sa possibility na maging sila ni Carla. Ngunit hindi niya ito pipilitin. Ibinahagi rin ni Tom na wala naman siyang rule na hindi siya dapat ma-in love sa kanyang leading lady. “Wala naman akong rule na ganoon. As much as possible, no. Pero just like I said, you can't control what you feel. So di pa rin natin masasabi kung ano ang mangyayari. Hintayin na lang natin. Tignan natin,” saad ng aktor.

Saad ni Tom, mas lumalalim na raw ang friendship nila ni Carla. Aniya, “ramdam ko 'yung pag-evolve rin ng friendship namin mula My Husband's Lover. 'Yung working relationship namin at least we're stronger rin. Lahat kami, 'yung buong cast noong nag-tour kami sa US, na ganoon rin. Noong kami naman ni Carla noong nag-start kami sa ‘So It's You’. Bale another layer to the friendship. So I'm enjoying it, I had a lot of fun”.

Alam umano ni Tom na maraming umaasa na magkatuluyan sila ni Carla. Nirerespeto niya umano ito dahil may kanya kanyang interpretasyon ang bawat tao. Inulit ni Tom na may posibilidad naman na mangyari ito.

Maraming nagtatanong kung paano sinuportahan ni Tom si Carla noong magkahiwalay sila ng kanyang ex-boyfriend na si Geoff Eigenmann. Kuwento ni Tom, “di naman kami nakikialam to each other's personal lives. Basta 'yung sinabi ko na lang na maging role ko, is to make it as pleasant as possible for her. If she's going through something in life, ayoko ng makadagdag o makisawsaw pa doon. I just make her experience sa set really, really pleasant”.

-Text by Maine Aquino, GMANetwork.com