Julie Anne San Jose, iniidolo si Marian Rivera

By SAMANTHA PORTILLO

Pagdating sa kantahan, laging nangingibabaw ang galing ni Julie Anne San Jose. Bukod sa pagiging regular sa Sunday All Stars, mapapanood na rin si Julie Anne sa dance show na “Marian”. Alamin kung bakit dream come true ito para sa kanya.

Noong June 10, ginanap ang press conference ng “Marian”. Kuwento ng multi-platinum award-winning artist sa press, ibang Julie Anne daw ang mapapanood nila sa dance show kung saan magkakaroon siya ng weekly collaborations kasama ang ibang artists at DJs.

“Kasama po ako sa isa sa mga segments sa show. Magkakaroon po kami ng mga production numbers and I’ll be performing with different musical artists po. Siyempre, ‘yung mga magagaling na DJ po dito sa Philippines, sila po ‘yung mga magtu-tweak ng mga kanta,” ani Julie Anne.

Dagdag niya, “Magiging sobrang exciting po talaga ito kasi magkakaroon po ng iba’t ibang versions ng mga kanta na usually talagang kinakanta natin.” Hindi niya inakalang magiging bahagi siya ng isang engrandeng dance show. Very honored daw siya na nakasama siya rito.

“Masaya po ako dahil isa din po ito sa mga kaya ko ring gawin. Siyempre po, since this is a dance show, kumbaga nadedevelop ko po ‘yung sarili ko po sa pagsasayaw. Gusto ko pong maging kasing galing ni Ate Marian sa pagsayaw,” ani Julie Anne.

First time na makakatrabaho ni Julie Anne sa isang TV show ang Kapuso Primetime Queen kaya excited na siya.

Paano niya mailalarawan si Marian?

“Sobrang bait po talaga niya. Isa po talaga siya sa mga nilu-look-up ko na artista dito sa showbiz and parang dream come true ko na po ito na makasama siya sa isang show,” aniya.

Magkakaroon rin ng kanyang unang live online concert si Julie Anne sa June 24. Mapapanood ito sa www.GMANetwork.com