Around GMA

Article Inside Page

Very proud si Kapuso Primetime at 'box-office' King Dingdong Dantes sa kaniyang pagiging navy reservist.

Kamakailan, natapos na rin ni Dingdong ang Naval Combat Engineer Officer Basic Course sa Philippine Navy Seabees Headquarters.

Ayon sa Family Feud host, mahalaga para sa kanya ang makapaglingkod sa bansa bilang isang aktor, at bilang isang reservist.

Aniya, “Mahalaga talaga para sa akin ang kahit anong opportunity para makapaglingkod sa ating bayan and for me, my way is one, through my work in GMA and second, by becoming a volunteer as a reservist through the organization na AFP [Armed Forces of the Philippines].”

Bilang isang reservist, masaya si Dingdong na makatanggap ng mga bagong training na makapagbibigay sa kanyang ng mga kaalaman.

“Well, isa sa mga priveleges of being a reservist is the access to continuous education from the organization sa AFP. So puwede kaming pumili kung ano 'yung mga training na puwede naming gawin as a reservist and mapalad ako na mapabilang ako doon sa class na 'yun so nakuha ko 'yung mga ganung klaseng learnings. So, tuloy-tuloy lang kasi siyempre learning should never stop kahit sa anong larangan man,” ani Dingdong.

Sa kabila ng pagiging abala sa kaniyang mga trabaho, nakakahanap pa rin ng oras si Dingdong para sa mga bagay na importante para sa kaniya.

“Oo kasi talagang hilig ko talaga siya and passionate ako about these things kaya ginagawan talaga ng paraan pero siyempre mahalagang hindi mawalan ng oras para sa mahahalagang bagay kagaya ng trabaho at siyempre ang pinakamahalaga sa lahat 'yung pamilya,” masayang sinabi ng aktor.

Samantala, mapapanood naman si Dingdong sa all-new episodes ng Kapuso game show na Family Feud na nagdaos kamakailan ng 2nd anniversary.

RELATED GALLERY: TRIVIA: The incomparable career of Dingdong Dantes