"Small but remarkable" best describes actress Jo Berry.
Matapos ang kanyang stint sa 'Magpakailanman' noong 2016, nasundan pa ito ng iba't ibang proyekto.
Kabilang diyan ang mga primetime series na' Onanay' at 'The Gift' kung saan ipinamalas ni Jo ang kanyang pagiging dramatic actress bilang lead star ng mga nabanggit na palabas.
Wala siyang background sa pag-arte pero sa loob lamang ng maikling panahon sa industriya, nakamit agad niya ang kanyang first acting award.
Hinirang siya bilang Most Promising Female Star For Television sa 50th Box Office Entertainment Awards ng Guillermo Mendoza Memorial Scholarship Foundation (GMMSF) noong 2019 para sa 'Onanay.'
Kung pinaiyak at naantig ang mga manonood kay Jo sa GMA soap operas, pinatawa naman niya ang mga manonood sa 'Dear Uge' kung saan nakilala siya bilang Madam So Very noong 2019. Tampok din siya sa 2019 comedy film na 'Kiko En Lala' na kanyang launching movie.
Sa ngayon, kinagigiliwan si Jo bilang little person with the biggest dreams sa GMA afternoon drama na 'Little Princess' na kanyang ikatlong full-length series.
Kahit ano mang role ang ibigay sa aktres, talaga namang kahanga-hanga ang bawat pagganap ni Jo. Pero sino nga ba si Jo, o Josephine Bitbit Berry sa tunay na buhay, sa likod ng camera? Alamin sa gallery na ito:
Si Josephine Bibit Berry, o kilala sa kanyang screen name na Jo Berry, ay ipinanganak na may dwarfism. Isinilang siya noong February 9, 1994.
Tulad ni Jo, ang kanyang ama na si Perry Berry Sr. ay isang "little person," ang politically correct term para sa mga taong less than average ang tangkad.
Samantala, ang kanyang ina na si Romilyn Berry ay average ang tangkad.
Bunso si Jo sa apat na magkakapatid. Bukod kay Jo, ang kanyang kuya na si Perry Berry Jr. ay isa ring little person habang ang dalawa pa niyang kapatid ay of average height.
Minsan niyang pinangarap maging abogado pero Computer Science ang kinuhang kurso noong college dahil ito ang in-demand noong panahong iyon.
Bago naging aktres, nagtrabaho si Jo sa isang BPO o business process outsourcing company.
Unang proyekto ni Jo sa GMA ay ang 2016 episode ng 'Magpakailanman' na "My Little Wife" kung saan nakapareha niya sina Hiro Peralta at Jay Manalo.
Dahil sa mahusay niyang pagganap sa episode kahit wala siyang prior acting experience, ini-offer sa kanya ang primetime series na 'Onanay.'
Deciding factor daw para kay Jo ang 'Onanay' co-stars na sina Mikee Quintos at Kate Valdez dahil fan siya ng 2016 remake/sequel ng iconic GMA telefantasya na 'Encantadia' at nais makatrabaho ang dalawa.
Matapos ang matagumpay na run ng 'Onanay,' sunud sunod naman ang guestings ni Jo sa mga programang tulad ng Dear Uge, Daig Kayo ng Lola Ko, Wish Ko Lang at marami pang iba.
Ang kanyang kuya Perry ang nagsilbing manager ni Jo at laging sumasama sa kanya sa tapings at iba pang showbiz commitments. Sa kasamaang palad, pumanaw ito noong 2021 dahil sa COVID-19, gayundin ang ama at lolo ni Jo.
Ang isa daw sa kanyang goals ngayon ay ang maibili ng bahay ang kanyang mga magulang.
Dahil sa kanyang height, sa teen section daw bumibili ng mga damit si Jo.
Nakabliang si Jo sa movie na 'Kiko en Lala' kasama ang komedyanteng si Tekla, pati mga Kapuso stars na sina Derrick Monasterio at Kim Domingo.
Napanood din si Jo sa GMA Telebabad series na 'The Gift' kung saan nakatrabaho niya si Asia's Multimedia Star Alden Richards na isa sa kanyang mga idolo.
Malayo sa kanyang roles sa kanyang past series, dalaga si Jo sa kasalukuyang pinagbibidahang afternoon series na 'Little Princess.' Dito ay magiging tagapagmana siya ng isang malaking kumpanya matapos mabunyag na anak siya ng CEO nito.
Mapa-TV man o personal na buhay, dati nang leader si Jo. Ayon sa dokumentaryo ni Howie Severino para sa 'I-Witness,' laging class president si Jo noong high school dahil sa kakayahan niyang mamuno sa kabila ng kondisyon.
Sa katunayan, hindi naramdaman ni Jo na iba siya sa kanyang mga kaklase. Naintindihan niya agad ang kanyang kondisyon noong bata pa lang siya dahil aware siya sa kanilang sitwasyon ng kanyang Papa at kuya.
Binalak ni Jo na bumalik sa BPO noong kasagsagan ng COVID-19 pandemic hanggang sa in-offer sa kanya ang lead role para sa 'Little Princess.' Nag-taping ang serye noong last quarter ng 2021.
Tatlo sa kanyang mga mahal sa buhay ang binawian ng buhay sanhi ng COVID-19. Noong panahong iyon, magsisimula na ang taping para sa 'Little Princess.' Pero kahit na nagluluksa, tinuloy ni Jo ang proyekto na aniya'y "takas" niya sa bangungot na dumating sa kanyang buhay. Huling habilin rin ng ama ni Jo na ituloy niya ang kanyang "laro" sa showbiz.