Around GMA

Article Inside Page

Grateful si Kapuso Primetime Princess Barbie Forteza sa sunod-sunod na achievements na kaniyang natatanggap gaya na lamang ng mga malalaking pelikula, teleserye, at mga parangal.

Sa katunayan, sunod-sunod din ang awards at endorsements na nakukuha ni Barbie gaya na lamang ng Primetime TV Drama Actress of the Year sa nagdaang Box Office Entertainment Awards.

Kuwento niya sa GMANetwork.com, “Sobrang nakakataba lang ng puso, 'yung Box office entertainment award, hindi ko talaga inaasahan kasi nga, 'yun po ay para sa show po naming Maria Clara at Ibarra na natapos na po last year and up until now, kumukuha pa rin ako ng parangal para sa trabaho ko po doon. So sobrang surreal lang po talaga ng naging bunga ng aking trabaho sa show na 'yun.”

Career na career din ni Barbie ang pagiging cover girl ng Village Pipol magazine kamakailan.

Aniya, “And 'yung VP cover naman siyempre kilig na kilig ako kasi as a mowdel ako doon 'di ba? Who would've thought? Akalain mo 'yun as a 5'2. Okay. Why not? I'm so so happy and sobrang nae-enjoy ko rin mag-shoot ng mga covers and to be recognized na cover of the year siyempre nakakataba ng puso 'yun tsaka mas nakaka-motivate mag-diet. Okay?” natatawang sinabi ni Barbie.

Napapanood na ngayon sa mga sinehan ang unang pelikula nila ng magkasama ng kaniyang onscreen partner na si David Licauco na That Kind of Love.

Ipalalabas naman sa July 29 sa GMA ang highly-anticipated series na Pulang Araw kung saan kasama niya rin si David, ang aktres na si Sanya Lopez, at Alden Richards. Tampok din dito si Dennis Trillo para sa kaniyang natatanging pagganap.

RELATED GALLERY: Barbie Forteza's beauty continues to blossom in these photos