Kilalanin ang 'You're My Foreignoy' 2019 grand winner na si John Paul Serrano Gorens na mula California, USA.
One hundred percent American si John Paul Serrano Gorens, pero dalawang taong gulang palang ito ay inampon na siya ng isang pamilyang Pinoy na nakatira sa Amerika.
Ayon kay Paul sa kanyang 'You're My Foreignoy' video, mahal niya ang Pilipinas, “I'm adopted to a Filipino family, that's why I love the Philippines.”
Ipinanganak si John Paul noong November 16, 1999.
Isa sa mga hilig niya ang paglalaro ng basketball.
Nagtrabaho si John Paul sa Amerika bilang cook.
Kuwento ni John Paul sa kanyang 'You're My Foreignoy' Q&A, “Siyempre, pusong Pinoy pa rin ako, 'di ba? Hindi mawawala ang mga pagkain, ang mga Pilipino, ang pagiging masaya sa kalsada,”
Magaling din siya mag-Tagalog, “Opo, fluent po akong mag-Tagalog. E, ampon po ako ng mga Filipinos noong two years old po ako. 'Tapos iniuwi po ako nung three years old, dito po.”
Nanirahan din sa Cabanatuan, Nueva Ecija si John Paul.
Nagwagi rin bilang Dabarkads' Choice: Online Favorite si John Paul.
Malapit daw sa puso ni John Paul ang wika at kulturang Pilipino.
Kinanta rin ni Goren ang “Nadarang” ni Shanti Dope sa 'You're My Foreignoy.' Sa bandang huli, siya ang itinanghal na grand champion at nagwagi ng P100,000.
Banyaga man si John Paul, malaki ang respeto at pagmamahal niya sa Pilipinas.