Noong November 29, 2020, ibinalitang yumao na ang OPM icon at singer na si April Boy Regino sa edad na 51.
Tayo'y magbalik tanaw sa buhay at alaala na iniwan ng tanyag na singer, dito.
Ipinanganak noong April 9, 1969 si Dennis Regino Magloyuan Magdaraog na kilala natin ngayon bilang si April Boy Regino.
Sumikat ang kaniyang banda na April Boys kasama ang mga kapatid niyang sina Vingo at Jimmy Regino noong '90s.
Sino ang makakalimot sa 1996 hit ng April Boys na "Paano Ang Puso Ko?"
Sinundan nila ang kanilang 1996 hit ng kantang "'Di Ko Kayang Tanggapin." Wala yatang makakakanta nito nang hindi ginagawa ang signature pose ni April Boy na magka-ekis ang mga braso.
Noong taong 2005 naman ni-release ni April Boy ang kaniyang novelty song na "Ye Ye Vonnel" na may kasama pang dance moves.
Taong 2015, pumirma ng kontrata si April Boy under GMA Records na kilala ngayon as GMA Music. Under GMA Records, ni-release niya ang kantang "Tanging Hiling."
Tampok ang buhay ni April Boy sa isang episode ng 'Wagas' na ginampanan ni Aljur Abrenica.
Parte na ng pagkakakilanlan kay April Boy ang kaniyang mga cap na lagi niyang suot-suot.
Ikinasal si April Boy sa asawa niyang si Madel noong 1984.
Nagbunga ang pagmamahalan nina April Boy at Madel ng dalawang anak na sina Charm at JC.
Isa na ngayong online content creator ang anak ni April Boy na si Charm.
Gaya ni April Boy, sinundan ni JC ang yapak ng kaniyang ama sa pagiging isang musikero at mang-aawit.
Taong 2005 nang nag-migrate si April Boy kasama ang kaniyang pamilya sa Estados Unidos.
Na-diagnose si April Boy sa sakit na prostate cancer taong 2009 noong sila ay naninirahan sa Amerika. Pagkatapos dumaan sa mga treatments, kinalaunan ay gumaling siya at naging cancer-free noong 2013.
Pagkatapos ng kaniyang laban sa cancer, nagkaroon naman si April Boy ng diabetic retinopathy noong 2015 na kumuha ng kaniyang paningin sa isang mata.
Noong November 29, 2020, ibinalita ni Vingo Regino sa kaniyang Facebook na yumao na ang beteranong singer.
Kahit yumao na si April Boy, mananatili sa ating mga puso at alaala ang mga iniwan niyang awitin na tiyak na kakantahin pa natin ilang taon man ang lumipas.