Patuloy na nagiging matunog ang pangalan ni Shanti Dope sa music industry dahil sa mga natatamo niyang achievements sa pagiging isang Pinoy rapper.
Dalawang taon matapos i-release ang awitin niyang “Amatz” noong March 2019, muling pinag-usapan ang nasabing single nang makapasok ito sa international scene.
Na-feature ito sa ikatlong episode ng 'The Falcon and The Winter Soldier' miniseries ng Marvel Studios na mapapanood sa streaming platform na Disney+.
Nag-viral sa social media ang eksena sa serye kung saan background music ang “Amatz.”
April 15, 2021, inanunsiyo na nakapasok ang naturang kanta sa 10th spot ng Billboard World Digital Song Sales Chart.
Noong 2018, nakipag-collaborate ang young hip hop artist sa American pop singer na si Sabrina Carpenter para sa awiting “Almost Love.”
Bukod sa “Amatz,” pinasikat din ni Shanti Dope ang mga kantang “Nadarang,” “Shantidope,” at iba pa.
Kilalanin ang tinaguriang Rap Phenom sa gallery na ito:
Si Sean Patrick Ramos o mas kilala bilang Shanti Dope ay 19 taong gulang pa lamang.
Naging hit at laman ng mga radyo ang debut single niyang "Nadarang" noong 2017.
Dahil sa pagiging catchy song ng "Nadarang," may ilang local artists ang gumawa ng song cover nito tulad ng rock band na Mayonnaise, OPM band na Agsunta, John Roa, at Michael Pangilinan.
Patuloy na gumagawa ng ingay ang “Amatz,” ang maituturing na isa sa pinakasikat na awiting nilikha ni Shanti Dope mula nang pumasok siya sa music industry.
Bukod sa awards na natanggap ng “Amatz,” pinagpiyestahan din ito dahil sa kritisismo ng Philippine Drug Enforcement Agency (PDEA) dahil sa umano'y panghihikayat na gumamit ng marijuana sa gitna ng maigting na drug war ng gobyerno noong 2019.
Si Shanti Dope ay nasa ilalim ng record label na Universal Records na nagbigay ng taguri sa kanya bilang Rap Phenom.
Noong 2019, dumalo siya kasama ang Pinoy rap icon na si Gloc9 sa isang rap event sa Taiwan.
Iniuwi rin ni Shanti Dope ang Best Rap/Hip-Hop Recording Award para sa orihinal niyang kantang “Amatz” sa 33rd Awit Awards.
Nakipag-collab na rin si Shanti Dope sa hip hop group na Ex-Batallion.
Isa si Shanti Dope sa mga hinahangaang rap artists ng kanyang henerasyon.
Ngayong 2022, naglabas ng bagong single si Shanti Dope na pinamagatang "Basic."
Bukod kay Gloc-9, marami na ring collaboration si Shanti sa iba pang rising Pinoy rappers sa bansa gaya nina CLR, Omar Baliw, at Pricetagg.
August 16, 2022, inilabas naman ni Shanti Dope ang single na "Tricks," na may lyrics na, "Parang si Rihanna, babae pero hustla ayaw mo sa drama, gusto mo sa gangsta."