Isa sa mga pinaka-cute na child stars noon ang 'Tropang Potchi' star na si Isabel Frial na nakilala sa pangalang "Lenlen."
Kinagiliwan si Isabel ng mga manonood dahil sa kanyang singkit na mata at matambok na pisngi. Bibang-biba rin ang dating child star pagdating sa pagpe-perform at pag-arte.
Bukod sa 'Tropang Potchi,' napanood din si Isabel, ngayo'y 16, sa GMA shows na 'Bantatay,' 'Futbolilits,' Alice Bungisngis and Her Wonder Walis,' 'Paroa: Ang Kwento ni Mariposa,' 'Legacy,' at iba pa.
Napanood din si Isabel bilang Gelay sa pelikulang 'Ang Panday 2' ng GMA Films, kung saan nakasama niya ang mga bigating artista tulad nina Bong Revilla, Eddie Garcia, Marian Rivera, Lorna Tolentino, Alice Dixson, Philip Salvador, Iza Calzado, Lucy Torres, at Alden Richards.
Hanggang ngayon ay patuloy na lumalabas si Isabel sa telebisyon. Huli siyang natunghayan sa kinagiliwang GMA primetime series na 'First Yaya' kung saan gumanap siya bilang Lisa.
Tingnan ang transformation ni Isabel from child star to teen actress dito:
Unang napanood si Isabel Frial sa GMA sa 2010 series na 'Bantatay' na pinagbidahan nina Raymart Santiago, Gelli De Belen, Krystal Reyes, at Renz Valerio.
Dahil sa kanyang cuteness, nasundan ito ng isang pang proyekto -- ang 2011 drama sports series na 'Futbolilits.'
Naging parte rin si Isabel ng children show na 'Tropang Potchi' kung saan nakasama niya sina Bianca Umali, Lianne Valentin, Miggs Cuaderno, Julian Trono, Ella Cruz, Sabrina Man, Miggy Jimenez, at iba pa.
Sa murang edad, sumabak din si Isabel sa pelikula. Isa sa kanyang ginawang pelikula ang 'Ang Panday 2' na ipinalabas noong 2011 sa ilalim ng GMA Films.
Naging supporting cast member din si Isabel sa 2021 fantasy comedy series na 'Alice Bungisngis and Her Wonder Walis' kung saan bumida si Bea Binene.
Dahil sa kanyang maputing balat at singkit na mata, pumasang young Heart Evangelista si Isabel sa 2021 drama na 'Legacy.'
Nakatrabaho ni Isabel ang kanyang iniidolong si Barbie Forteza sa 2012 fantasy series na 'Paroa: Ang Kwento ni Mariposa' kung saan lumabas siya sa papel na Pao-pao.
Ipinakita naman ni Isabel na kaya niya ring maging kontrabida sa 2014 drama comedy series na 'My BFF.'
Huling napanood si Isabel sa kakatapos lang na GMA primetime series na 'First Yaya.' Dito ay schoolmate niya sina Nina at Jonas na ginampanan nina Cassy Legaspi at Joaquin Domagoso.
Sa 'First Yaya,' madalas niyong kaeksena si Hailey Mendes.
Alam n'yo ba na 16 years old na ngayon si Isabel? Ipinanganak siya noong May 28, 2005.
Senior high school student na si Isabel sa susunod na school year.
Ilan sa mga hobbies ni Isabel ang pagkanta at pagme-makeup.
Dalaga na talaga si Lenlen!