Naaalala n'yo pa ba ang 'Bakekang' child stars na sina Kristal at Charming?
Sila ay nakilala bilang mga anak ng aktres na si Sunshine Dizon sa naturang teleserye noon.
Si Jolina Marie “Krystal” Reyes ang gumanap bilang batang Kristal at si Eunice Lagusad naman ang gumanap bilang batang Charming.
Ang 'Bakekang' ay ipinalabas noong 2006 sa GMA Telebabad.
Lubos na minahal ng mga manonood ang karakter nina Kristal at Charming.
Narito ang mga dapat niyong malaman tungkol sa buhay ng 'Bakekang' child stars na sina Krystal at Eunice.
Dahil naging matagumpay ang kanilang pag-arte sa 'Bakekang,' nagkasama muli si Krystal at Eunice sa GMA drama series na 'Princess Charming' noong 2007.
Mas nakilala pa si Krystal Reyes nang gumanap siyang bida sa drama series na 'Mga Mata ni Anghelita.'
Kinilala si Krystal ng PMPC Star Awards for Television bilang Best Children's Show Host para sa palabas na 'Art Angel' noong 2007.
Ang teen stars na sina Krystal Reyes at Eunice Lagusad ay parehong napanood sa ilang episode ng drama anthology show na 'Magpakailanman.'
Mas minahal pa ng mga Kapuso si Eunice nang mapabilang siya sa drama family series na 'Onanay.'
Sa kabila ng kasikatan, hindi ikinahiya ni Krystal Reyes ang pagbebenta ng mga damit sa pamamagitan ng online live selling na sinimulan niya sa gitna ng pandemya.
Dahil sa sunud-sunod na pagganap niya bilang kaibigan ng mga bida, binansagan si Eunice na ''Pambansang Beshie.''
Bukod sa pag-arte sa telebisyon, pinasok na rin ni Krystal at Eunice ang mundo ng vlogging.
Si Eunice ay nagba-vlog ng kanyang makeup transformations at iba pang ganap niya sa buhay.
Si Krystal naman ay nakahiligan na kuhanan at ibahagi sa kanyang YouTube channel ang kanyang daily routine at mga gamit na nabibili niya sa online stores.
Samantala, kilalanin ang iba pang Kapuso child stars sa gallery na ito