Ipinakilala ni Maine Mendoza sa "Bawal Judgmental" segment ng 'Eat Bulaga' ang kanyang best friend na si Janeeva Verceles.
Nagkakilala sina Maine at Janeeva noong nasa sila'y kolehiyo, kung saan magkaklase rin sila. Iisa lamang ang grupong kinabibilangan ng dalawa kaya naman mabilis silang nagkasundo.
Ayon kay Janeeva, ang nagustuhn niyang pag-uugali ni Maine ay ang pagiging 'straightforward' at totoo nito. Pareho rin silang masiyahin at nagkakasundo sa maraming bagay.
Kilalanin ang iba pang celebrities at ang kanilang best friends sa gallery na ito:
Nagkakilala sina Maine Mendoza at Janeeva Verceles noong nasa kolehiyo pa lamang sila.
Ayon kay Maine, ang sikreto ng matagal nilang pagkakaibigan ay ang pagiging totoo sa isa't isa.
Nagkakilala sina Paul Salas at Tyrone Tan noong 2018 sa isang school organization.
Ayon kay Tyrone Tan, pareho silang mahilig sa basketball ni Paul Salas kaya naman mabilis silang nagkasundo. Maging sa gym at mga lakad ay madalas na magkasama ang dalawa.
Mahigit walong taon nang mag-bestfriend sina Kyline Alcantara at Hanna Rioteta. Nagkakilala ang dalawa nang minsang magpadala ng produkto ang pamilya ni Hanna para iendorso ni Kyline noong child star pa lamang ito.
Ayon kay Kyline Alcantara, malaki ang pasasalamat niya at naging kaibigan niya si Hannah Rioteta dahil naging karamay niya ito sa kanyang "ups and downs."
Itinuturing na ni Cassy bilang kapatid si Murielle Tanchanco dahil high school pa lamang ay magkasama na silang dalawa.
Tulad ng karamihan, mayroon ding tawagan sina Cassy Legaspi at Murielle Tanchanco sa isa't isa, ito ay ang "Caca bear" at "Murmur bear."
Sa preparatory school pa lamang ay naging magkaklase na sina Mikee Quintos at Pia Uy. Naging mag-bestfriend ang dalawa sa high school.
Ayon kay Pia Uy, tinanong siya ni Mikee Quintos noon kung sino ang paborito niya sa F4, mula sa Taiwanese series na 'Boys Over Flowers,' na naging nagsimula ng kanilang pagkakaibigan.