Marami ang natuwa at kinilig kamakailan sa rebelasyon ng aktor na si Paul Salas
patungkol sa namumuong romantic relationship sa pagitan nila ng aktres na si Mikee Quintos.
Sa isang episode ng 'Mars Pa More' noon, inamin ng aktor na "dating" ang status nila ng aktres.
Aniya, "Meron. Ano kami... 'Di kami nagmamadali pero dating kami. Dito ko lang sinabi 'yan sa Mars Pa More."
Nagtambal ang dalawa sa 'Regal Studio Presents: Love, Share, Subscribe.'
Samantala, narito ang ilang mga larawan ng sweet moments nina Paul at Mikee.
Sa seryeng 'The Lost Recipe,' naging magkatrabaho sina Paul Salas at Mikee Quintos bilang sina Apple at Frank.
Ang kanilang mga karakter bilang sina Apple at Frank ay magkaibigan simula pagkabata kung kaya't kinailangan na ipakita ang kanilang pagiging close sa isa't isa.
Isa sa mga sweet na eksena nina Mikee at Paul sa serye ay ang masaya nilang paglalakad sa Jones bridge sa Maynila habang magkaakbay.
Isang mahigpit na yakap din ang ibinigay ng dalawa sa isa't isa sa eksenang ito.
Sa nasabing serye, isang mahusay na musiko si Frank (Paul Salas), kung kaya't sinusuportahan ni Apple (Mikee Quintos) ang kanyang pagtugtog.
Tila childhood sweethearts naman sina Mikee at Paul sa larawan na ito.
Caught on camera naman ang pagiging close nina Mikee at Paul sa behind-the-scene photo na ito.
Hindi rin maitatanggi ang pagiging malapit ng dalawa sa isa't isa sa larawan na ito habang sila ay nasa food truck.
Tila nasa isang romantic movie naman sina Mikee at Paul sa larawang ito.
Mula nang aminin ni Paul ang relationship status nila ni Mikee, may ilan sa kanilang mga tagahanga ang nag-uugnay ng kanilang mga larawan gaya ng beach photos na ito kung saan tila nasa isang lugar lamang ang dalawa.
Matapos umamin si Paul sa kanilang relationship status, nag-post naman ng video si Mikee noong May 9, kung saan makikita na sabay silang bumoto ni Paul sa katatapos lang na Eleksyon 2022.
Marami naman ang kinilig nang mag-post si Mikee ng larawan nila ni Paul habang sakay ng ATV. "Halika nga!!!! I luuuuh-miss you, @paulandre.salas," caption ni Mikee sa kanyang post.
Inaabangan naman ng kanilang mga taga-suporta kung saan pa mauuwi ang kanilang relationship status.
Time out muna sa trabaho sina Mikee at Paul at nagbakasyon nang makasama sa Boracay.
Paminsan-minsan ay gumagawa rin ng TikTok videos ang magkasintahang sina Mikee Quintos at Paul Salas. Sa isang video, ginawa nila ang "14 Questions" para sa couples.
Sa isang vlog ni Paul Salas, ibinahagi niya ang kanilang nakakakilig na anniversary date.
Sabay na dumating sina Paul at Mikee sa GMA Thanksgiving Gala!
Sparkling queen si Mikee sa kaniyang white dress at pinatunayan ni Paul ang kaniyang pagiging heartthrob sa suot niyang all-white suit!
Present din ang Kapuso couple sa Vogue Philippines Welcome Party!
Sa isang vlog, ibinahagi ng real-life sweethearts na sina Mikee Quintos at Paul Salas ang kanilang mga pinagdaanan bago maging isang official couple.
Mismong sina Paul at Mikee ang umamin na hindi naging madali ang naging panliligaw ni Paul sa huli dahil kinailangan munang maging approve ang parents ni Mikee sa binatang aktor.
Sa isang episode ng 'Regal Studio Presents' na "Love, Share, Subscribe," naging magkatambal sina Mikee at Paul bilang sikat na vlogger at social media manager na may past relationship. Ito ang maituturing na recent project nila na magkasama matapos ang 'The Lost Recipe.'
Ilang buwan matapos maging officially couple, nagtungo sina Mikee at Paul sa Europe para sa isang bakasyon. Naunang umalis si Mikee kasama ang kaniyang pamilya at sumunod naman si Paul para makasama ang girlfriend.
Bukod sa Eiffel Tower, very sweet din na nag-lunch sa isang fancy boat sa Paris sina Mikee at Paul.
Nag-enjoy din ang dalawa sa kanilang wine night habang naglilibot sa "City of Love."
Very sweet din ang larawan na ito nina Mikee sa harap ng Sainte-Chapelle de Paris.
Sa Instagram, ibinahagi rin nina Mikee at Paul ang kanilang kilig photos sa harap ng Eiffel Tower na nagbigay ng 'Lovers in Paris' vibe sa kanilang fans.
Very sweet and happy sa kanilang Paris trip ang celebrity couple na sina Mikee at Paul.
Hindi rin pinalagpas nina Mikee at Paul ang magpa-picture sa ilang kalsada sa Paris para sa kanilang travel photos together.