Tinatayang 67.5 milyong rehistradong botante ang bumoto kahapon, May 9, sa national and local elections. Higit na mas mataas ito kumpara sa bilang ng registered voters noong 2016 and 2019 elections.
Ayon sa COMELEC, pitong milyon dito ay new registrants na kinabibilangan din ng mga celebrity.
Tulad ng mga ordinaryong mamamayan, pumila sila sa gitna ng initan at naghintay nang mahabang oras para makapagparehistro noong nakaraang taon para makaboto ngayong halalan.
Ilang buwan ang kanilang hinintay para rito kaya labis ang kanilang excitement sa kanilang first voting experience sa Eleksyon 2022.
Hindi nila ginamit ang kanilang popularidad o koneksyon para manindigan sa mga napili nilang future leaders ng bansa, tulad na lang ng anak ni Senator Lito Lapid na si 'Voltes V: Legacy' star Ysabel Ortega na alas sais pa lang ng umaga ay nakapila na sa kanyang polling precinct sa La Union.
Ganito rin si Pauleen Luna, na hipag ni vice-presidential bet Tito Sotto, na hindi alintana ang gutom para matupad ang kanyang karapatang bumoto.
Kamustahin ang experience ng iba pang first time voters ngayong Eleksyon 2022 dito:
"Masarap sa feeling"--ganyan ibinahagi ni Thea Tolentino ang kanyang pakiramdam matapos bumoto sa national and local elections sa unang pagkakataon. Kasama niya ang kanyang ama at kapatid sa pagpunta sa kanilang polling precincts.
Ang apo ni pambansang bayani Jose Rizal at revolutionary leader Miguel Malvar na si Therese Malvar ay hindi rin pinalampas ang pagkakataong bumoto ngayong Eleksyon 2022.
Proud na ipinakita ang kanyang indelible ink matapos bumoto ng Conyo Girl ng Tiktok na si Rain Matienzo na botante sa Taytay. Rizal.
Tulad ni Rain, sa Taytay, Rizal din botante ang host at sportscaster na si Martin Javier.
Naglaan ng oras ang 'Voltes V: Legacy' star na si Julia Pascual para sa kanyang first voting experience sa Pasig.
"Para sa mahal kong Pilipinas" ang pagboto ni Klea Pineda ngayong halalan.
"What an awesome time to be alive" ang bulalas ni Pauleen Luna sa kanyang Instagram post, kalakip ng larawan niyang nagpapakita ng kanyang indelible ink. Aniya, tiniis niya ang gutom habang nasa pila.
Alas sais ng umaga pa lang ay nasa presinto na ang anak ni Senator Lito Lapid na si Ysabel Ortega para sa Eleksyon 2022. Botante ang aktres sa Caba, La Union na hometown ng kanyang ina na si Michelle Ortega, dating aktres.
Proud ding miyembro ng '6 am club' si Maris Racal. Aniya, matindi ang kanyang kaba bilang first-time voter.
Rita Daniela went out and exercised her right to vote!
TV and movie actress Liza Soberano looked pretty in pink after voting for the first time.
Napa-finger heart si Gabbi Garcia para i-flex ang kanyang indelible ink-stained finger na katunayan ng kanyang pagboto ngayong Eleksyon 2022.
Hindi rin pinalagpas ng 25-year-old actor na si Royce Cabrera na makaboto ngayong halalan.
"Boto ko, Karapatan ko, Ipaglalaban ko," ito ang sabi ni Bianca Umali sa kanyang caption na nagpapakita ng kanyang ink-stained forefinger.
Ayon sa 'StarStruck' alum na si Lexi Gonzales, masarap sa pakiramdam na ibinigay niya ang kanyang unang boto sa tama at totoong kandidato.