Mainit pa rin na pinag-uusapan ngayon online ang ginanap na GMA Thanksgiving Gala ng leading broadcast network sa bansa na GMA Network noong Sabado, July 30, sa Shangri-La The Fort BGC, Taguig, City.
Ang nasabing gala ay nagsilbing selebrasyon ng maraming Kapuso stars para sa ika-72 anibersaryo ng GMA Network at isang fundraising event para sa Kapuso Foundation.
Bukod sa Sparkle stars, marami rin sa mga non-Kapuso artists ang dumalo at nakisaya sa nasabing event. Kabilang na rito ang former Kapamilya stars na sina Cristine Reyes, Marco Gumabao, at ilang public officials na sina Senator Alan Peter Cayetano at Ilocos Norte Representative Sandro Marcos.
Tingnan ang mga larawan ng kanilang pagdalo sa GMA Thanksgiving Gala sa gallery na ito:
Nagulat ang maraming press sa pagdating ng Viva artist at former Kapamilya actress na si Cristine Reyes sa GMA Thanksgiving Gala. Suot ni Cristine ang white fitted gown na ayon sa tema ng event na "Old Hollywood" glam. Si Cristine ay isa sa mga alumna ng reality talent search ng GMA noon na 'StarStruck.'
Head-turner din ang hunk actor na si Marco Gumabao sa kanyang pagdalo sa GMA Thanksgiving Gala suot ang all-white suit.
Dumalo rin ang former 'It's Showtime' host na si Coleen Garcia sa GMA Thanksgiving Gala kasama ang kanyang asawa at TV host na si Billy Crawford. Si Billy ang host ng 'The Wall Philippines' na mapapanood na sa GMA ngayong Agosto.
Kasama rin ang viral online seller at former 'Pinoy Big Brother' housemate na si Daisy Lopez a.k.a. Madam Inutz sa mga non-Kapuso artists na dumalo sa GMA Thanksgiving Gala. Kasabay niyang dumating ang talent manager niya at ni Herlene Budol na si Wilbert Tolentino.
May father-daughter moment naman ang celebrity doctor na si Dr. Hayden Kho kasama ang anak na si Scarlet Belo nang dumating sa GMA Thanksgiving Gala.
Sabay-sabay naman na dumating sa GMA Thanksgiving Gala ang prime stars ng Crown Artist Management na sina John Lloyd Cruz, Thou Reyes, Miles Ocampo, kasama ang kanilang manager na si Maja Salvador. Si John Lloyd ay mapapanood sa weekend sitcom na 'HappyToGetHer,' habang sina Maja at Miles ay kabilang sa mga host ng 'Eat Bulaga.' Samantala, ang matalik na kaibigan ni Maja na si Thou ay napanood sa hit GMA Telebabad series na 'First Yaya' at sequel nitong 'First Lady.'
Dumalo rin sa GMA Thanksgiving Gala si Miss Universe Philippines 2022 Celeste Cortesi kasama ang boyfriend na si Matthew Custodio.
Stunning naman sa kanyang black gown ang Miss Universe 2021 Top 5 na si Beatrice Luigi Gomez sa kanyang pagdating sa GMA Thanksgiving Gala.
Magkasama namang dumalo sa GMA Thanksgiving Gala ang beauty queen-actress na si Bianca Manalo at Senator Win Gatchalian.
Masaya rin na dumalo at nakisaya sa GMA Thanksgiving Gala si Senator Alan Peter Cayetano.
Magkasama rin na dumalo sa GMA Thanksgiving Gala sina 'Agimat ng Agila' actor Senator Ramon "Bong" Revilla Jr. at kanyang asawa na si Bacoor City Mayor Lani Mercado.
Ang first son at Ilocos Norte representative na si Sandro Marcos ay namataan din na dumalo sa GMA Thanksgiving Gala.
Kabilang din sa celebrity couples na dumalo sa GMA Thanksgiving Gala ang Leyte Representative na si Richard Gomez at Ormoc City Mayor Lucy Torres-Gomez.