Itinuturing na career change ng Kapuso actress-comedienne at ngayon ay beauty queen na si Herlene Budol o "Hipon Girl" ang kanyang pagsali sa prestihiyosong beauty pageant sa bansa na Binibining Pilipinas ngayong taon.
Aminado si Herlene na marami siyang natutunan sa kanyang naging journey bilang kandidata. Pagkatapos ng coronation night ng nasabing pageant, marami ring pinto ang nagbukas kay Herlene gaya ng kabi-kabilang TV guestings kasama ang mga kilalang personalidad at courtesy visit sa ilang mga government official.
Silipin ang naging guest appearances ni Herlene sa ilang showbiz personalities at pagbisita sa ilang mga opisyal sa gallery na ito:
Tinanghal na Binibining Pilipinas 2022 first runner-up si Herlene Budol sa ginanap na coronation night ng nasabing beauty pageant.
Bukod sa pagiging first runner-up, hinakot din ni Herlene Budol ang maraming special awards sa Binibining Pilipinas 2022.
Pagkatapos ng naging coronation night, agad na naimbitahan si Herlene Budol na maging guest sa award-winning news magazine show na 'Kapuso Mo, Jessica Soho' kasama mismo ang host nito at batikang journalist na si Jessica Soho.
Sa nasabing episode ng KMJS, emosyonal na ikinuwento ni Herlene Budol ang kanyang mga pinagdaanan sa katatapos lang na beauty pageant. Pagkatapos ng kuwentuhan, sabay pa silang kumain ng hipon, na naging bansag sa kanya o kung saan siya nakilala.
Sumalang din sa isang interview si Herlene Budol kasama ang award-winning talk show host na si Boy Abunda.
Sa isang Instagram post, ibinahagi rin ni Herlene Budol na nakapanayam siya ng dating news anchor at journalist na si Korina Sanchez.
Bukod sa kanyang mga guest TV appearances bilang beauty queen, bumisita rin si Herlene Budol sa plenary hall ng Senado kung saan nakasama niya sina Senator Robin Padilla at Senator Bong Go.
Nagkita rin sina Herlene Budol at Senator Ronald "Bato" Dela Rosa sa kanyang pagbisita sa senado.
Nagkaroon din ng pagkakataon na magkausap sina Herlene Budol at new Department of Social Welfare Development (DSWD) Secretary na si Sen. Raffy Tulfo.
Abangan din ang pagbabalik ni Herlene Budol sa YouTube vlog ng news personality na si Karen Davila.
Nagbigay galang at nagpasalamat din si Herlene Budol sa suporta ng kanyang mga kababayan sa kanyang hometown na Angono, Rizal. Dito ay sinalubong si Herlene ng kanyang lolo na nag-alaga sa kanya simula pagkabata. Alay rin ni Herlene sa kanyang lola Bireng ang tagumpay na kanyang nararanasan. Namatay si lola Bireng ilang linggo bago ang coronation night ng Binibining Pilipinas 2022.
Sino nga ba ang mag-aakala na ang simpleng dalaga noon na nangangarap at may ambisyon ay isa na ngayong sikat na showbiz personality at beauty queen.