Karamihan sa celebrities ay nakahanap ng matalik na kaibigan at totoong karamay mula nang pasukin nila ang mundo ng show business.
Kabilang sa mga ito ay ang Kapuso stars na sina Rhian Ramos at Michelle Dee na halos kapatid na ang turing sa isa't isa.
Tunghayan ang ilang strong friendships sa showbiz sa gallery na ito.
BFFs for life ang mestiza beauties na sina Ellen Adarna at Beauty Gonzalez.
Ayon sa isang interview, inamin ni Beauty Gonzalez na ang kaniyang matalik na kaibigan na si Ellen Adarna na isa ring Bisaya beauty ang naging tulay kaya nagkakilala ang aktres at ang asawang nito na si Norman Crisologo.
Ang celebrity moms na sina Ina Raymundo at Giselle Sanchez ay parehas na loud and proud sa kanilang matatag na samahan bilang best friends.
Sa isang Instagram post, ibinahagi ni Ina Raymundo na mula pa noong 1997 ay magkaibigan na sila ni Giselle Sanchez.
Ang beach buddies na ito ay talaga namang BFF goals!
Twinning outfits by Rhian Ramos at kaniyang bestfriend na si Michelle Dee.
Pagta-travel at pagsu-swimming ang paboritong bonding ng magkaibigan na sina Rhian Ramos at Michelle Dee.
Ang friendship nina Buboy Villar at Jelai Andres ang isa sa kinagigiliwan at usap-usapan ngayon sa social media.
Bukod sa pag-arte, parehas ding nahilig sa pagba-vlog ang magkaibigan na sina Buboy at Jelai
Nagsimula ang closeness nina Buboy at Jelai nang maging magkatrabaho sila sa drama romantic comedy series na 'Owe My Love,' na ipinalabas sa GMA noong 2021.
Madalas na tandem sa pagpapatawa at performances ang magkaibigan na sina Pokwang at K Brosas sa concerts na ginaganap hindi lang sa Pilipinas kundi pati na rin sa ibang bansa.
Dahil sa kanilang malalim na samahan bilang magkaibigan, kinuha ni Pokwang si K Brosas bilang ninang ng kaniyang bunsong anak na si Malia O'Brian.
Ang mga anak ng celebrities na sina Sunshine Cruz at Ruffa Gutierrez na sina Angelina at Lorin ay matalik na magkaibigan.
Ayon sa isang post ni Angelina Isabele Cruz sa kaniyang Instagram account, childhood besties sila ni Lorin Gutierrez.